كلۆپ: دڤێت سنۆره‌كی بۆ ئه‌نجامێن خراب ب دانین
ئه‌ڤرۆ،
راهێنه‌رێ ئه‌لمانی و یانه‌یا لیڤه‌رپۆل یا ئنگلته‌رایێ تۆره‌یا خوه ل سه‌ر ئه‌نجامێن خراب یێن تیما خوه دیار كر تایبه‌ت د خول و كۆپا ئنگلته‌رایێ دا و هۆشداریا به‌رده‌وامیێ د چامپیۆنز لیگ دایه.
یۆرگن كلۆپ بۆ په‌یچێ BBC یێ بریتانی گۆت: یانه‌یه‌كا مه‌زن وه‌كو لیڤه‌رپۆل ل رێزا نه‌هێ د خولا ئنگلته‌رایێ دا بهێت و كۆپا ئێكه‌تیا ئنگلته‌رایێ نێزكه ژ ده‌ست بده‌ت جهێ پرسیارێ یه، دڤێت سنۆره‌ك بۆ ئه‌ڤان ئه‌نجامێن خراب ب دانین، ناهێته قه‌بوولكرن تایبه‌ت پشتی سێ حه‌فتیێن دی مه یاریه‌كا بهێز د چامپیۆنز لیگ دا هه‌یه ل گه‌ل ریال مه‌درید، دڤێت بۆ یاریا بهێت گوهۆڕینان بكه‌ین ژبۆ ڤه‌گه‌ڕاندنا ئاست و ئه‌نجامان، نه جه‌ماوه‌ر و نه كارگێری ژ مه رازی نینن، به‌ری ده‌ستێكرنا یاریێ و د راهێنانێ دا هه‌موو یاریزان بهێز و زاخه‌كا مه‌زنن به‌رهه‌ڤیان دكه‌ن لێ دناڤ یاریگه‌هێ دا هه‌موو بزاڤان دكه‌ن و نه‌شێت سه‌ركه‌فتنێ بینن.
