كلیپا خوە یا نەخری بەلاڤكر
زنار تۆڤی:
بەری چەند رۆژان سترانبێژ (یلماز ئاگری) د دیدارەكێ دا بۆ رۆژناما ئەڤرۆ گۆت: ئەڤە دەمەكێ درێژە ئەز سترانان دبێژم، لێ چەند رۆژان من كلیپا خۆ یا ئێكێ ب ناڤێ (خالخالۆك) بەلاڤكر، پەیڤ و ئاواز یێن منن وبەری نوكە من هندەك سترانێن سینگل ژی بەلاڤكرینە.
ناڤهاتی گۆت: د ئەڤ سالە من ل بەرە سترانەكا دی كلیپ بكەم، ئەز لبەر دەنگێ هونەرمەندێن مەزنێن كورد، وەكی شاكرۆیی و محەمەد عارفێ جزیری مەزن بوویمە و نوكە ژی گۆهداریا سترانێن فۆلكلۆری دكەم، هندەك گەنجێن نوكە سترانان دبێژن، ب رەنگێ باش نابێژن، وان تاما سترانا كوردی یا رەسەن تێكدایە، چونكو ئەو هندەك سترانان و كلیپان چێدكەن، ناڤارۆكا كارێ وان یێ دوورە ژ هونەرێ كوردی، ڤێ چەندێ كارتێكرنەكا خراب ل سەر هونەر و مۆزیكا كوردی كریە و ئەز حەز ناكەم مۆزیكا پۆپ و راپ دناڤ مۆزیكا كوردی دا بهێتە ب كارئینان، ژبەركو ئەو جۆرێ موزیكێ یێ دوورە ژ مۆزیكا مە یا كوردی .
