كهرتێ تایبهت ل كوردستانێ. .. ئاریشهیه یان چارهسهری؟
یا دیاره كهرتێ تایبهت رۆلهكێ سهرهكی و پێشهنگ ههیه د پیشڤهبرن و گهشهپێدانا ئابوورێ وهلاتێن پێشكهفتی دا، كو دڤێت ههمی وهلاتێن جیهانێ چاڤ لێ بكهن، بهلێ ل وهلاتێن پاشكهفتی مینا دهڤهرا رۆژههلاتا ناڤین و ئهفریقیا ژ وانا ژی ههرێما كوردستانێ و هندهك جهێن دی دێ بینی كهرتێ تایبهت زێدهتر نینه ژ خاپاندنا خهلكی ب هندێ كو بازار یێ ئازاده، ژبیر دكهن كو بازارێ ئازاد ئهو ب خوه د ناڤا خوه دا ههڤركیێ پهیدا دكهت و بهایان دهست نیشان دكهت، بێی كو كهسهك یان كۆمهك كونترۆلێ ل سهر بكهت و پاوان بكهت.
ل وهلاتێ مه كهرتێ تایبهت نه ب تنێ خزمهتا بازاری و ئابوورێ وهلاتی ناكهت، بهلكو بارگرانیهكا مهزنه ل سهر ئابوورێ نیشتیمانی، كار دكهت ل سهر ژناڤبرن و پاوانكرنا ئابووری و ههمی لڤینێن بازاری و بازرگانی و وهبهرهێنان و كاركرن دئێته پاوانكرن ژلایێ دهستهكهكا دهست نیشانكری یا كهس و كۆمپانیان، ب حهز و ڤیانێن خوه یاریا ب لڤینا بازاری و بهایێن كهلوپهل و خزمهتكاریان دكهن و دبێژن ئهڤه بازارێ ئازاده.
پرسیار ل ڤێرێ ئهوه كانێ پلانا حوكمهتێ بۆ بازارێ ئازاد؟ كانێ پلان بۆ ڤهگوهاستنا لهشكرێ فهرمانبهر و مووچه خوران بۆ كهرتێ تایبهت؟ ئهرێ كانێ داتایێن حوكمهتێ ل سهر كهرتێ تایبهت كا چ یاسا ههنه و چهند دهلیڤێن كاری درهخسینیت؟
بهلێ یا خویایه كهرتێ تایبهت پتر ژ كهرتێ گشتی (بن دیوار) ههنه، ههر وهك چهوا راگههاندنا (سهربخۆ) و رێكخراوێن (جڤاكی مهدهنی) و رازیكرنا هندهك كهسان بۆ ههلبژارتنان ژ بودجهیا گشتی دئێته پشتهڤانیكرن و برێڤهبرن، هوسا مهزنه كۆمپانی و بازرگانێن وهلاتی ژی وهكی ئاغایێن عهشیرهتانن ب تنێ مووچێن باش وهردگرن، بهلكو كۆمپانی و بازرگانیا وان ژی ل سهر ملێن كهرتێ گشتی یه، ئهو بازرگانیا دكهن ژی ژبلی بهردهستكرنا جه و مۆلهت و ئاسانكاریان ل باج و گومرگان، ڤان كۆمپانیان قهرێن بێ مفا ژ حوكمهتێ وهرگرتینه و ئهڤه ماوهیهكه ئهنجومهنێ وهزیران بزاڤێ دكهت قهرێن حوكمهتێ وهرگریت، بهلێ بزاڤێن وێ نهگههشتینه چ ئهنجامان!!
ل پهی داتایێن وهزارهتا بازرگانی پتری 25 هزار كۆمپانیان ل ههرێمێ ههنه، گهر سالانه ههر كۆمپانیهك ئێك دهلیڤا كاری پهیدا بكهت باوهر ناكهم مه بێكاری ل ههرێمێ بمینیت!!، گهر ههمی باجێ بدهن دێ داهاتهكێ مهزن بۆ حوكمهتێ دابین بیت، ئهڤ كۆمپانیه ب پاره و شیانێن حوكمهتێ بازرگانیا خوه دكهن لهو ئهڤ كۆمپانیه ههمی نهشێن گوهۆرینی د ئابووری دا بكهن و پێشڤه ببهن؟.
دا بازار یێ ئازاد بیت و ئابوور وهرارێ بكهت و ژێرخانه ب هێز ببیت، دڤێت كهرتێ تایبهت ههبیت و یێ راست و دروست بیت، ئهو ب خوه بشێت ههڤڕكیێ د ناڤا خوه دا پهیرهو بكهت، بیێ پاوانكاری و بیێ ژ لهشێ كهرتێ گشتی بخۆت ل دهمێ پهیرهوكرنا كهرتێ تایبهت، دڤێت حوكمهت رۆلێ خوه یێ دروست بگێریت، نه وهك زارۆیان ل سهر ئابووری بژیت و مایتێكرنێ د ههمی تشتی دا بكهت، و ئابوورێ وهلاتی بێخیته د خزمهتا هندهك كهس و گرۆپان دا و كارئاسانیان بۆ بكهت، بهلكو دڤێت ههڤسهنگیا بازاری بپارێزیت و بهێلیت بازار بۆ ههمیان یێ ئازاد بیت، دڤێت حوكمهت كار و پرۆژێن سهروهری ئهنجام بدهت و یێن دیتر بۆ كهرتێ تایبهت بهێلیت دا كهرتێ گشتی و كهرتێ تایبهت پێكڤه بكهڤنه د خزمهتا ئابوورێ نیشتیمانی دا.
