كهسێن دههۆل قوت و مهللاق … مهرحهبا!
رهوشا ئهڤێ قوناغا پشتى سهرههلدانا 1991ێ یاكو جڤاكێ مه یێ ههرێما كوردستانێ تێرا دهرباز دبیت وبتایبهت دماوێ ئهڤان سێزده چارده سالێن دوماهیێ كو بشێوهیهك بهرچاڤ جڤاك لسهر دو تهخان هاتیه پارڤه كرن ( تهخهكا بچوك یا خانهدان و خودان ههمو تشت ,و تهخا مهزن یا دهست كورت ب هیڤى یا مۆچهیهكى یان داهاتهكێ كێم ڤه ) ..
مینا گهلهك زانایێن جڤاكى ئاماژێ بۆ چهندێ دكهن كو دقوناغا گهورێنێن سیاسى تهخهكا نوى جهێ تهخا ژبهرى خۆ دگریت ههر چهنده ب فورم و ئایدیولوژیهكا جودا لێ وهكو ئێك دشێوازێ ژیانا خانهدان وئهروستوكراتى ( ئاڤاهى و ڤیللهیێن جودا ژیێن خهلكێ دى , ترومپێل و مودێلێن جودا ژیێن خهلكێ دى ,خوهیى خولام و خزمهتكار , ههتا جورێ خوارن و ڤهخوارنێ جودا ژیێ خهلكێ دى ..) وههلبهت خوه بلندتر ژخهلكێ دى!
جهێ داخێ یه سهروبهرێ ل ژینگهها مهیا جڤاكى ل ئهڤان چهند سالێن دوماهیێ ب ئهڤى رهنگى دهات بهرچاڤ و ڤهرێژا ئهڤێ چهندێ ژى وهك یاسایهكا سروشتى كارهساته بۆ وهڵاتى و هاوڵاتیان !
بۆچى كارهسات دهێت چاڤهرێ كرن ( ههكهر نههێت چارهسهر كرن ) بهرسڤ ژبهر كو ئهڤ ئاڤاهى یه لسهر بنسترهك لهنگ و ههژههژوكه مینا ( ئیبن خههلدون ) دبێژیت ئهڤ كهسێن هه ( یێن خانهدان ! ) دهستێ خۆ دگههینن ههمى سهكتهرێن جودا جودا یێن پهیوهندیدار ب ژیانا هاوڵاتیان ڤه و پێگهههك بهێز بۆ خۆ دناڤدا ئاڤا دكهن (سیاسى , ئابورى ,جڤاكى, لهشكهرى ..ههتا رهوشهنبیرى) !ئانكو فاكتهرێ (ماددى) دبیته فاكتهرهك بهێز كۆ بساناهى جهێ خۆ دناڤ ئهڤان سهكتهرێن دى ژى دا ببینن بهلكو ببن سیما و( واجهه) بۆ ئهو جهێ ئهو لێ ,ژبهر كو ب كێمتر رازى نابن!
دئهڤى سهروبهرى دا ( مینا زانایێ جڤاكى دبێژت ) ئهڤ كهسێن هه دێ هێنه شوشتن ژ هزر و كریار و ههلویستهكێ ببیته مهترسى لسهر ژدهستدانا ئهڤان مولك و مال و ئیمتیازاتێن ئهوان ب دهست خۆڤه ئیناین و دێ بنه رێ گر بۆ ههر گهۆرینهكا چاڤهرێ كرى ژبهر كو دێ بیته گهف لسهر بهرژهوهندیێن ئهوان ب دهستڤه ئیناین وهۆسا دئاماده نینن بهرگریێ ژ چو پرهنسیپ و ههلویستێن گرێداى بهرژهوهندیا گشتى !
د گهل گهشهكرنا ئهڤێ تهخێ دجڤاكى دا پلهو پوستێن گرنگ وكاریگهر تهخهكا دى یا كهسێن سالوسى ( مهللاق ) و داهۆل قوت پهیدا دبیت كو ئهوان ژى بۆ پاراستنا بهرژهوهندیێن خۆ ب ههمو رهنگان ههول بدهن ئهوێ
بێژن ئهوا ئهوان دل پێ خۆش بیت ؛بێژن بازرگانێ ب دزیێ ومالێ حهرام بوى مهلیونێر ( بهلێ حهجى) ,بێژن كهسێ دوهى سیخور و خوینا خهلكێ ب دهستێ وى ڤه ( بهلێ سهیدا ) بێژن كهسێ ترسنوك و ژبهروكێن شهڕى بازداى ( قارهمان ) , بێژن دههمهن پیسا ( مهریهما ) !
ئهڤ كهسێن هۆسا مهللاق ودههۆل قوت بتنێ ههڤالێ پاریێ حازرن و چ جار خێر و بهرژهوهندیا وهڵاتى و هاوڵاتیان لبهر چاڤ نینه هندى كه بهرژهوهندیا ئهوان و بهریكا وان لبهر چاڤێن وانه و رویێ وان یێ راست پتر ل رهوشێن سهخت و نهخۆش دا دیار دبیت كۆ نهبتنێ ئامادهنینن قوربانیهكێ بدهن بۆبهرژهوهندیا گشتى بهلكو بههرزه دبن و ئێدى لبهر چاڤ ژى ناهێنه دیتن!
كورد دبێژن ئهو كهس باشه یێ ته بگرینیت نهكو یێ ته بكهنینیت , كو رامان و حیكمهت ژێ ئهوه ئهڤ كهسێ جار جار رهخنێ لته و هندهك كار و كریارێن ته دكهت ههر چهنده تۆ پێ بهێى ئێشاندن ژى ئهو باشتره ژ ئهوى كهسێ ههر دهم و گاڤ ل رهقاسێ بیت و ل ههمو سهقان دا ب ئێك ئاواز بۆ ته لێ بدهت ……….. و ئهڤرو مهیدانا مهیا ههرێما كوردستانێ چهندا پڕه ژئهڤان جۆره مهلاق و داهۆل قوتا .. كو وهڵات ئاڤ و ئاڤ بچیت قهت بۆ ئهوان نه خهمه !
ئهڤجا هشیارى ئهڤان جۆره كهسابن و ژ پهسن وسالوسیا وان باوهرنهكهن!
