كه‌كێ عه‌لى ئاخفتنا ته د جهێ خوه دایه، لێ چما ته سه‌ده‌م خۆیا نه‌كرن؟!
عومه‌ر سندى /رۆتردام
ل هه‌فتیا ده‌ربازبووى و د پرۆگرامێ (تاڤه هه‌یڤ) دا، یێ كو ژ ئالیێ كاك سه‌برى سلێڤانه‌ی ڤه ل ته‌له‌ڤزیۆنا (وار) دهێته پێشكێشكرن، مێهڤانێ پرۆگرامى كاك عه‌لى عه‌ونی بوو، هه‌لبه‌ت وه‌كو دهێته زانین كاك عه‌لى به‌رپرسێ لقێ هه‌شتێ زاخۆیه و د هه‌مان ده‌مدا ئه‌ندامێ سه‌ركردایه‌تیا پارتى دیمۆكراتى كوردستانه، كو ب شانازیڤه ئه‌ز ژى ئێكم ژ كادرێن وێ پارتیێ و ژبلى پارتایه‌تى و كارێن سیاسى، كاك عه‌لى وه‌كو ژ نێزیك ناسدكم، مرۆڤه‌كى هه‌رى وه‌لاتپارێزه و كوردپه‌روه‌ره، كورده به‌رى سه‌ر ب هه‌ر ئالیه‌كێ ڤه‌به، یا ژ منڤه پرانیا خه‌لكێ ده‌ڤه‌رێ دیده‌ڤانن ل سه‌ر ڤێ راستیێ. پێشكێشارێ پرۆگرامى پرسیاردكه: كاك عه‌لى تو وه‌ك سیاسه‌تمه‌داره‌ك گه‌لێ كورد ژ ئالیێ نه‌ته‌وه‌یڤه چاوا دبینێ؟ كاك عه‌لى به‌رسڤه‌ك جوان دده پاشێ نموونه‌یه‌كێ دئینه و دبێژه: (ئها نوكه ل ڤێ دهۆكێ مرۆڤ ژ به‌رۆشكێ بده رێ و ب ده‌نگێ بلند خه‌به‌ر و كرێتاهیا بێژه كورد و كوردستانێ هه‌تانى دگه‌هه مالتایێ كه‌س نائاخڤه به‌رسڤ ژى ناده و بێژى نا هه‌ڕشه، لێ نه‌كامیا عه‌شیره‌ته‌كێ بكه سه‌د كرێتاهى، وێ بێنه مرۆڤى، به‌لكو سه‌د داروبه‌رژى وێ وه‌رن مرۆڤى). ئه‌ڤ ئاخفتنه ب راستى راسته و د جهێ خوه‌دایه چونكى جه‌نابێ ته گوت (نوكه) پا ئه‌زژى دێ پرسیاره‌كێ ئاراسته‌ى كاك عه‌لى كم هه‌ر چه‌نده دڤیا پێشكێشكارێ پرۆگرامى ئێكسه‌ر ئه‌ڤ پرسه كربا ئه‌رێ كیبوون، بوونه ئه‌گه‌رێ ڤێ ئێَكێ یان چى رویدایه ئه‌و كوردێ و قاس وه‌لات پارێز ئێدى خوه‌دى ل كوردایه‌تى و كوردستانێ ده‌رنه‌كه‌ڤه و ل مالبات و خێل و هۆزێ خوه‌دى ده‌ركه‌ڤه، بێ گومان پارتیێن كوردستانێ ئه‌گه‌رن هه‌موو پارتى بێ جوداهى، ڤێجا سڤۆره و به‌ر و منێن خوه و هه‌ر پارتیه‌ك ژى ل گۆره‌یى شیانێن خوه، دلێ تاكێ كورد ئێشاندیه و وه‌لێ كریه كو ئێدى ئاخاوی ژى ل به‌رچاڤ ره‌ش ببه، نه ژ به‌رۆشكێ هه‌تانى مالتایێ به‌لكو ژ زاخۆ مرۆڤ بده‌رێ و كرێتاهیان و ب ده‌نگه‌كى هه‌رى بلند بێژه كورد و كوردستانى هه‌تانى دگه‌هه سلێمانى و هه‌له‌بجا شه‌هید ژى، نه‌كو تنێ كه‌س به‌رسڤ ناده یان پێ ناهه‌رشه به‌لكو ب هزاران كه‌س وێ ده‌ستخوه‌شیێ ژى ل مرۆڤى بكن، گه‌لۆ چ كاره‌ساته‌ك ژ ئه‌ڤێ مه‌زنتر هه‌یه؟ پاكانێ بلا ژ سالا 1977 هه‌تانى سالا 1994گدیبابه‌ك ب ده‌نگێ بلند كرێتاهیه‌ك گوتبا كوردان، یان ب سه‌رپه‌ژانێ وانڤه هاتبا سه‌ره‌راى بنده‌ستیێ و وێ سته‌ما ددیت، هندى كو من ل بیره درووشمێ ته‌ڤگه‌را ئازادیخوازان كوردى ئه‌وبوو دڤیا ئاغا و شێخ و مه‌لا نه‌مینن كو سه‌ده‌م بوونه گه‌لێ كورد ب ئامانجێن خوه شانه‌بوویه و ئه‌ڤه راستیه‌كه، لێ ده‌ما ده‌ستهه‌لات كه‌تیه ده‌ستێ پارتیێن كوردستانێ هه‌موو پارتیان بێ جوداهى به‌ریكانه دكرن و قه‌ستا كۆچكا ئاغایى دكرن و مه‌هانه نه‌سریا كۆچكا ئاغاى دهاته دان، شێخ هه‌روسا و مه‌لا ژى ل دویڤدا د ئێكه‌مین خولا په‌رله‌مانێ كوردستانێ ده مه‌لاى دگوت كورێ ئاغای وێڤه هه‌ره جهێ من بكه د پێكئانینا ئێكه‌مین كابینا حوكمه‌تا كوردستانێ دا شێخ كرنه وه‌زیر و هه‌تانى ئیرۆ ئه‌ڤ پرۆسێسه به‌رده‌وامه د سالێن هه‌شتیان دا و دبن داگیركارى و زۆردارى و سته‌مێ ڤه ژبۆ خه‌لكێ ڤێ هه‌رێما كو دگوتنێ: (شمالنا الحبیب) تشتێ هه‌رى هه‌رى پیرۆز كوردستان و ناڤێ وێ و رێبه‌ر و سه‌ركرده سه‌روه‌رێن ته‌ڤگه‌را ئازادیخوازا كوردستانێ بوون، لێ ب راستى یێن كو ئه‌ڤ پیرۆزیه نه‌هێلایى و ل جهێ وێ كین چاندیه پارتیێن كوردستانیبوون هه‌ر ژ سالا 1991 به‌رپرسێ یه‌ك پارتى ژبۆ رێخستییێن خوه یان جه‌ماوه‌ره‌كێ ل سه‌ر ئاخێ و پیرۆزیا كوردستانێ نه‌ئاخفتیه كى هاتیه یاگوتى، حزبا من هۆسا و هۆسا و هنده هنده جوانه و و حزبا دی ژى هنده هنده و قاس كرێته و باوه‌رژێ نه‌كن، هه‌ما دێ تنێ ل سه‌ر ڤێ خالێ راوه‌ستم پارتیێن كوردى ب زانه‌بوون نه‌ڤیان مرۆڤه‌ك یان گه‌نجه‌كى وه‌لاتپارێز و پاقژ ئاڤا بكن هه‌ر پێكۆل دكرن مرۆڤه‌كى حزبى هشك و رادیكال ئاڤا بكن د خوه‌دا خوه‌رى كین بۆ هه‌ركه‌سێ نه ل گه‌ل هزر و دیتنێن وى و حزبا وى كو مرۆڤ ده‌ستێ خوه ده‌ینه سه‌ر وژدانا خوه و باخڤه، جاره‌كێ سالا 2006 ل هۆلا لقێ هه‌شت جه‌نابێ ته سمیناره‌ك دویر ژحزباتیێ دا تو ئاخفتى وه‌كو مرۆڤه‌كى كورد، ئه‌وژى ژبه‌ر زر زرا مۆبایلا خودێ ژێ رازى ئه‌بۆ عنته‌رى مه نزانى بابه‌ت چلێ هات و رۆژا ل دویڤدا پێشه‌كیا سمینارا وه من كره سه‌ر گوتارا هه‌فتینامه‌یا (ده‌نگ) ب دیتنا من ئه‌ڤ حزباتیا هنده هشك د ناڤا كێم گه‌ل و ملله‌تان ده هه‌یه كورد نه‌بن دیسا كورد تاكه ملله‌ته پارتیێن وێ نه ب چاڤێ هزر و دیتنێن جودا ل هه‌ڤدو مێزه دكن، به‌لكو ب چاڤێن دوژمن ل هه‌ڤ دنێرن كه‌كێ عه‌لى دبه كێم گه‌ل هه‌بن مینا گه‌لێ كورد گرێداى ئاخا خوه و به‌رهه‌ڤى قوربانیدانێ بن، لێ ب مخابنیڤه ئیرۆ نه به‌رهه‌ڤه ناڤێ وه‌لاتێ خوه ژى گوهدارى بكه، هه‌ر ئه‌ڤ گه‌لێ وه‌لاتپارێز وخوه‌راگر بوو ل سالێن هه‌شتیان شه‌رم دكر ناڤێ عه‌شیرێ بكه پاشناڤێ خوه، لێ ئیرۆ عه‌شیر یا پیرۆز بوویه و سه‌رۆك عه‌شیره‌ت پیرۆزتر كو ئه‌ڤه ژى جهێ داخه‌كا مه‌زنه.
