كه‌له‌ميا سۆر زێده‌تر بخۆ ژ به‌ر ڤان ئه‌گه‌ران
ئه‌ڤرۆ نيوز:
کەلەمیا سوور ھەروەک کەلەمیا کەسکە د شێوێ بازنەی و ھەبوونا بەلگان دا بتنێ جیاوازی د رەنگی دا یە. لێ دووجار ھندی کەلەمیا کەسک ژ ڤیتامین سی پێک دێت و دیسان یا دەولەمەندە ب ریشال و ڤیتامینێن ديتر.
خوارنا پتر یا کەلەمیا سوور دشێت مەترسیا تووشبونا ب نەخوشیا زەھایمەرێ کێم بکەت، ژبەر ھەبوونا دژەئوکسیدا تێدا شیانێن رێگری کرن و چارەسەرکرنا ڤێ نەخوشیێ ھەنە. د نووترین ڤەکۆلین دا کو ھاتبوو ئەنجامدان ژ لایێ تیمەکێ ل زانکو یا ئوسمانیا ل ھندێ، پشتی کو وێ تیمێ کەلەمیا سوور ئینای و ھشک کری و ل دویڤ دا د گەل گەلەک توێنەران دا وەک: ھیکسان، سرکێ ئەسیل، میتانول، دیکلورومیسان و ئاڤێ پوختە کری. ل دوماھیێ دەرەئەنجام دیاربوون کو ھەبوونا دژەئوکسیدێن چالاک د کەلەمیا سوور دا ب گشتی ھاریکارە بۆ رێگری کرن ل تووشبونا ب نەخۆشیا ئەلزەھایمەرێ.
ئەگەرێن زێدەتر یێن خوارنا کەلەمیا سوور:
- کەلەمیا سوور چارەسەرە بۆ کێم کرنا کێشێ: چونکە رێژا کالوریا تێدا یا نزمە و دەولەمەندە ب ریشالان، کو دبیتە ئەگەرێ ھندێ ھەست ب تێریێ بکەی و تە ژ خوارنا زێدە دووربکەت. دیسان ھاریکارە د ھەرسکرنێ دا.
- چالاک کرنا سیستەمێ بەرگریا لاشی
- ھاریکارە بۆ رێگری کرن ل شێرپەنجێ
- رێگری کرن ل پیربوونا پیستی
- ب ھێزترکرنا ھەستیکان
- پاراستنا ساخلەمیا چاڤان
- دوورخستنا ھەوکرنا جومگان
- ھاریکارە بۆ زوی چارەسەرکرنا برینان
