كه‌ناله‌كێ عیراقى ده‌مژمێره‌ك ژ په‌خشێ خوه بو زمانێ كوردى ته‌رخانكر
ئه‌ڤرۆ نیوز:
كه‌نالێ ئه‌لعیراقیه كو ئێكه ژكه‌نالێن عه‌ره‌بیێن عیراقى و چه‌ند به‌رنامه‌یێن سیاسى و هونه‌رى و وه‌رزشى هه‌نه ، ل سالا 2003 هاتیه دامه‌زراندن و زێده‌تر گرنگیێ ب چالاكیێن حكومه‌تا عیراقێ دده‌ت دنهادا ده‌مژمێره‌ك ژ په‌خشێ خوه بو زمانێ كوردى ته‌رخانكر.
كه‌نالێ ناڤبرى د نوچه‌یه‌كێ بله‌زێ خوه دا كو ل بنێ شاشا كه‌نالى نڤیسایه دده‌تن دیاركر كو هه‌موو روژان ل ده‌مژمێر 7:00ێ ئێڤارى دێ ده‌مژمێره‌كێ ژ به‌خشێ كه‌نالێ خوه بو نوچه‌یێن كوردى ته‌رخان كه‌ت.
ئه‌ڤ پێنگاڤا كه‌نالێ ئه‌لعیراقیه د ده‌مه‌كێ دایه كو هه‌رێما كوردستانێ ریفراندۆم بو سه‌ربخوه‌ى یا كوردستانێ ئه‌نجامدا و سه‌ركه‌فتنه‌كا مه‌زن ژى ئینایه ، و چاڤدێر دده‌ن خویاكرن كو حكومه‌تا عیراقێ دخوازه ب ڤێ یه‌كێ جاره‌ك دن سه‌رنجا كوردان بخوه رابكێشیت و هزرا وان بگوهریت ، هه‌روه‌كو پێشتر ژى لسه‌ر ده‌مێ سه‌رۆكێ رژێما به‌عس په‌خشه‌كێ تایبه‌ت ب زمانێ كوردى هاتبویه ته‌رخانكرن.
