كه‌نالێ وار و ئێكه‌تیا ناڤه‌ندى گه‌هشتنه رێككه‌فتنێ
ئه‌ڤرۆ نیوز، هه‌ژار مه‌عروف:
كه‌نالێ وار سپور و ئێكه‌تیا ناڤه‌ندى یا ته‌پا پێى یا كوردستانێ گه‌هشته رێككه‌فتنه‌كێ جاره‌كا دى یاریێن خولا كوردستانێ لسه‌ر شاشا كه‌نالێ وار بهێنه ڤه‌گوهاستن پشتى زێده‌تر ژ پێنج حه‌فتیا ئاریشه‌ك دناڤبه‌را هه‌ردوو لایانه رویداى ژبه‌ر مافێ ڤه‌گوهاستنێ.
ل دۆر ڤێ چه‌ندێ سكرتێرێ ئێكه‌تیا ته‌پا پێى یا ناڤه‌ندى سه‌لام حسێن د داخویانیه‌كێ دا بۆ مالپه‌رێ ئه‌ڤرۆ نیوز دیاركر ل دووماهى كومبوون دا هه‌ردو لایه‌ن گه‌هشتنه رێككه‌فتنێ جاره‌كا دى مافى ڤه‌گوهاستنێن یاریێ بو شاشا كه‌نالێ وار سپور بن.
سه‌بارات كوژمێ پاره‌ى ناڤبرى دیاركر ئه‌و رێككه‌فتنه‌كا دناڤبه‌را هه‌ردو لایانه و ئێكه‌تیا ناڤه‌ندى ژى گه‌هشته وێ باوه‌ریێ دڤێ ده‌مى دا ڤه‌گوهاستنا یاریان باشتره ژبه‌ركو وه‌رزشا كوردستانێ پتر پێدڤى راگه‌هاندنێ یه.
هه‌ژى گوتنێ یه بریاره یاریێن حه‌فتیا چارێ ب دو یاریان بهێنه ڤه‌گوهاستن ئه‌وژى یاریا زاخۆ ل گه‌ل دهۆك و پێشمه‌رگا هه‌ولێرێ و زێره‌ڤانى.
