كهنگى گهشبینى گوهۆرینێ دكهت؟
ژیان ب تهڕز و شێوهیێ ههبوونا خوه یا خورسكى ل گهل بۆرینا خولكێن خوه و دهربازبوونا سهردهم و قووناغان گوهۆرینێ دخوازیت، ههر دهما د ئهڤێ ژیانێ دا ب بهراوردى ل گهل رۆژ و دهمێن بۆرى ههست ب چ گوهۆرینان نههاتهكرن، وى دهمى بێزارى و دوبارهبوون، دێ رۆلێ خوه بینن و نوویاتى و گوهۆرین بهر ب باشییێ دێ بنه پهیڤێن رهپ و رووت و بێ كارتێكرن، لێ پرسیار ل ڤێرێ ئهڤهیه، ئهو چ تشته دبیته رێگرى بۆ پهیدانهبوونا رهوشهكا ژ ڤى رهنگى؟
ههلبهت بۆ بهرسڤا ڤێ پرسیارێ د شیان دا ههیه بهێته گۆت ب بزاڤ پێكۆل و خوهدان و وهستانێ ئهڤ رهوشا بێزار دێ بهر ب ژناڤچوونێ چیت و ل جهێ وێ دهستكهفت و نوویاتى گوهۆرینێن ریشالى دێ هێنه ههبوونێ، ههلبهت دڤیا ل گهل ئهنجامدانا بزاڤێ دگهشبین بین كو دێ گههینه ئهنجامهكى ژى دا كو ل گهل بۆرینا دهمى پتر نێزیكى هیڤیان ببین، لێ ئهڤ گهشبینیه نه ب وى تێگههى یێ كو نها د ناڤا جڤاكێ كوردى دا بهربهلاڤ كو تێگههێ گهشبینیێ یهكسانه ب دهستداهێلان و چاڤهرێكرنێ بۆ ئامادهبوونا سفرهكا حازر یان ژى رازیبوون ب حالێ ههى، ل گهل ڤێ چهندێ دڤیا ریفۆرما پێناسهیا تێگههێ رهشبینى ژى بهێتهكرن كو ئهڤ پهیڤه نهب تنێ رامانا پوسیدهبوون و بێزاریێ یان ژى بزاڤا ههڕفاندنا سهربۆرێن ههیین.
دهما گوهارتن د تێگهههشتنا ڤان ههردو تێگههان دا پهیدابوو وى دهمى ب گهشبینى دێ ههر بزاڤهك هێتهكرن و رهشبینى ژى رامانا تێكدانێ ب تنێ نا گههینیت، بهلكو ئهڤ ههردو تێگههه دێ مه گههیننه ئهنجامهكى ئهو ژى پهیدابوونا جڤاكهكێ ئاڤا و تاكهكێ دوور ژ ههرفتهیێ ب بزاڤێن خوه خهونێن خوه كرینه راستى و نهماى بكارهینهرهكێ نه بهرههمدار، لێ ههكه بهروڤاژى بیت دێ ههر مینین خودانێن كهساتیهكێ كو زك گرنگتر بیت ژ مێشكى بهرژوهندێن تاكهكهسى پیرۆزتربن ژ یێن گشتى.