كهنگی دێ ب شیرڤه بیت
مخابن كو وهلاتهكێ وهكی كوردستانێ كو ب ههمی لایانڤه یا پڕ خێر و بهرهكهت و زهنگینه، بهلێ 24 ساله هێشتا حوكمهتا كوردستانێ یا ساڤایه و نه هاتیه شیرڤهكرن، ب تنێ بهرێخو یێ دایه كهرتێ پترولێ و دهرئینان و فرۆتنا وێ ل بازارێن دونیایێ، ههر چهنده گرنگیا ڤی كهرتی ناهێته ماندهلكرن، بهلێ ههر وهلاتهكێ گرنگی ب كهرتهكێ ب تنێ بدهت، چ پێنهڤێت دێ زیانهكا گهلهك مهزن گههیته پاشهرۆژا ئابوَرا وی وهلاتی و پشتی بهایێن پترولێ ل بازارێن دونیایێ نزمبوون بخۆڤه دیتی، بوَ مه ههمیا ب باشی خوَیا بوو كانێ ئهم چاوا كهفتینه ل ههمبهری كومهكا ئاریشان و حوكمهتا كوردستانێ نهشیا زوی ب زوی مههیانێن فهرامانبهرا بدهت و شول و خزمهتكاری ژی 80% راوستیان و نهشیان درێژیێ ب كارێ خوَ بدهن و لاوازیهكا بهرچاڤ كوردستان ڤهگرتیه و ڤێ ژی كێنجا خوَ كریه سهر رهوشا هناڤیا خهلكی ب تهڤایی و هندهك ڤهرێژێن خرابژی ب دویڤ خوَدا ئینان وهكی مشهختبوونا ب هزاران گهنجان و رێك خوشكرن بوَ هندهك ئالیێن سیاسی ب ههجهتا ڤێ رهوشێ خهلكی هان بدهن و ب بیننه سهر جادان و نهرازیبوونا خوَ ل ههمبهری نهدانا مههیانا دیار بكهن و پاشی ئهو كهسه بهێنه پالدان بوَ كارێن تێكدان و سوَتن و شههیدكرنا خهلكی و تێكدانا تهناهیا كوردستانێ.
بێخش ئهڤه ژی دزڤریت بوَ نهبوونا پلانهكا باش ژلایێ حوكمهتا كوردستانێ ڤه، نهمازه وهزارهتێن دهێنه دانان وهزیر كهسهكێ نه بسپوَره د وی بیاڤی دا، لهوا ئهو پلانێن ئهوژی ددانیت سهركهڤتنێ نائینن و نهخاسمه ئهو وهزارهتێن د گرێدایی ب رهوشا ئابوَریا كوردستانێ ڤه. ئهگهر ئهم د راستگۆبین و مه وهلاتێ خوَ بڤێت و دلێ مه ب كوردستانێ ڤهبیت و شههیدێن وهلاتێ مه ل بهر چاڤێن مه بن و قههرهمانیا پێشمهرگهی، دانینه بهر چاڤێن خوَ و ژبیر نهكهین، دێ ب وێرهكی و ب تهناهی گڤاشتنا ل سهر حوكمهتا خوَ كهین كو كهسێن بسپوَر و شههرهزا و ئهگهر ل ناڤخوَیی نهبن ژی بلا ژ دهرڤه بینن، داكو پلانێن باشتر بهێنه دارشتن بوَ دانانا ژێرخانا ئابوَریا كوردستانێ.
بێخش ههر فروشگهههكا تو بچیێ دێ بینی كو پتر ژ 99% تشتێن وێ بیانینه و تشتێ خوَمالی دێ گهلهك كێم ل بهرچاڤێن مروَڤی كهڤن، بوَ میناك سپیاتی، ئانكو رێچال، كو ب سهدان رهنگ ههنه و چ ژ وان یێن كوردستانێ نینن و باشترین جهـ ژی بوَ بخودانكرنا پهز و چێلا كوردستانه، دیسان دوشاڤێن فێقی و ریچول و فێقیێ هشككری 99% یێ بیانیه و ل كوردستانێ ب هزاران تهنێن ههمی رهنگێن فێقی ل بنێن دارا درزن و ب تشتهكی ناهێنه فروتن.
ههمی رهنگێن گوشتی، چ یێ مریشكا، چ ژی یێ پهز و گارهشا، 80% یێ بیانی و جهمهدكریه، ل ههمبهر ڤێ چهندێ كو كوردستان باشترین جهه بوَ دروستكرنا پروَژێن مریشك و گارهش و ئینانا بهرههمهكێ خوَمالی و 100% باشتر ژ یێ بیانی.
ژبهر ڤێ چهندێ دبێژین ئهگهر حوكمهتێ پلانهكا باش ههبا و پشتهڤانیا كهرتێ تایبهت كربا، دگهل هندێ دا ژی كارخانه هاتبانه دانان، ئینانا ڤان ههمی تشتا ژ دهرڤهیی وهلاتی، ب ڤهكولین و دووڤچوون هاتبانه قهدهغه كرن، دا ئهڤروَ كوردستان ب رهنگهكێ دی بیت و كێنجا شكهستنا بهایێ پترولێ هنده یا گران نهدبوو، حوكمهتا كوردستانێ، ملهتێ مه یێ تهمبهل كری و دێ بێژن ملهت یێ تهمبهل بووی چمكی ههمی خودان مههیانه نه، ههر چهنده ئهڤه یا راسته، بهلێ ههر حوكمهت یا گونههكاره، ئهگهر دا حوكمهت خوَ ل بهرههمێ ناڤخوَیی كهته خودان سیستهمهكێ رێك و پێك دارێژیت، ههم دا بهرههمئینهر هێنه پالدان كو پتر خوَ زهحمهت بدهت و بهرههمێ خوَ پتر لێ بكهت و ههروهسا دا بازارێ كوردستانێ ژی ئهرزانتر لێ هێت، پاره ژی دا ل ناڤخوَ زڤڕیت، بهلێ حوكمهت نهشیایه ههتا ڤێ گاڤێ ل سهر بازرگانێن مهزن زال ببیت و خودان پارا بازار پاوانكریه و ههر تشتێ حهز دكهن ل دهرڤه دئینن و قازانجهكێ خهیالی ژی، ژێ دكهن، وهلاتێن خهلكی روَژ بوَ روَژێ پێش دكهڤن، وهلاتێ مهژی روَژ بوَ روَژێ یێ پاش دكهڤیت، ژبهركو پێشكهڤتن نه بلندكرنا ئاڤاهیانه ب دیكورێن جان، بهلكو پێشكهڤتنا ملهتی ل سهر ملێن كهسێن دلسوَز و وهفاداره بوَ ئاخا خوَ و وهلاتێن خوَ ئاڤا دكهن، گهلهك دویر ناچم، وهلاتێن دهور و بهرێن مه وهناكهن ئێك پارچا قودیككری، یان شیشهكا ماستی، یان كیلویهكا گوشتی و مریشكا، یان قودیكهكا دوشاڤا فێقیهكی بچیته دناڤ وهلاتێن وان دا، ژ بهر كو ئهو پشتهڤانیا بهرههمێ ناڤخوَیی دكهن و دهمێ مروَڤ جڤین و خرڤهبوون و دان و ستاندنێن ل سهر ڤێ مژارێ دهێنه كرن، ههم ژلایێ كاربدهستانڤه، ههم ژی ژلایێ رێكخستیێن جڤاكا سڤیل ڤه، دێ بهارێ ئیننه ناڤتهنگێ، بهلێ ب كریار ئێك پێنگاڤ ناهێته هاڤێتن و كومهكا ههجهتان ژی دێ ب رێزكهن و دێ بێژن مانێ هێش حوكمهت یا ساڤایه، ئهرێ ما ههتا كهنگی ئهڤ حوكمهته دێ یا ساڤا بیت و ناهێته شیرڤهكرن.
