كه‌و و چیا و شنگال
پێشمه‌رگه ژ مال ده‌ركه‌ت، ده‌یكا وی بازبه‌ندا سه‌ركه‌تنێ ب پاش پیلێ وی ڤه‌كر، گوتێ هه‌ره كورێ من، شه‌قلێ كوته‌كیێ بشكێنه‌ە دارا خۆسه‌ریێ بچینه. هه‌ڕه تۆلا به‌له‌نگازێت كه‌تینه ریپا ده‌وله‌تا ئیسلامی ل وی باژێركێ كوردستانێ ڤه‌كه. برینێت گه‌له‌ك ده‌یبابا بكه‌وینه. روندكێت خوه‌شیێ بسویره‌تێ كچێت كوته‌كی لێهاتیه كرن دا بینه‌خار. توكه‌كا له‌عنه‌تێ بكه ستۆیێ ئاشقێت هه‌ش و ره‌شیێ و سه‌رێ ئه‌وێت ل چه‌رخێ 21ێ بازاری ب مرۆڤان دكه‌ن، بچه‌مینه و بلا ژ خریكێنا شكه‌ستن و سه‌ر شۆڕی و بێشه‌رمیا خوه بمرن و په‌ردا ره‌شا دیرۆكێ ب سه‌رڤه ڕاكێشه و ڤێ رۆژێ بكه چه‌ڤه‌نگا ڕاستیێت هاتینه ڤه‌شارتن و دره‌وێت خه‌لك پێ هاتیه خاپاندن و به‌رۆڤاژی راستیێ به‌رپه‌ڕێت مێژوویێ پێ هاتینه هه‌تكاندن، سه‌ر و شونی ڕاستكه‌ڤه. ب بێژێ ته دوهی كوته‌كی كر و ب مرۆڤا ته بێ حورمه‌تی دكر و ده‌ف قوتێت ته ژی ئه‌و هه‌موو دكرنه مێرانی و دگوت: مرۆڤێت عادل بوون.
ئه‌ڤرۆ كوڕێت كوردستانێ و كه‌ڤرێت چیایێ شنگالێ تامه‌كا دی دا مێژوویێ، گوته مێژووڤانا راستی ژ ده‌وله‌تا ئسلامی و ژێده‌رێ هزرا وان مه‌زنتره. گوته دیرۆكێ كورد ژ كوته‌كیێ و ترسێ ب جه‌رگتره، چیرۆك و چیڤانۆكێت هه‌وه بوون دره‌و، گولولكێت وه ڤه‌هاندین بوونه رویس.
كه‌وێ شنگالێ قێڕی ل چه‌ڤه‌نگاترسێ و ره‌شێ كوته‌كیێ راهێلا و قه‌بێ وان خازت و داكه‌ته مه‌یدانێ، مه‌یدانا مێرا، به‌لێ پا ئه‌و ره‌ڤی و ل پاش خوه نه‌نێری و تێك هه‌لڤتنو دوستێت مرۆڤانیێ ب دویڤ كه‌تن وبه‌رۆكێ مرۆڤ دوستا ب سه‌ركه‌فت.
پێشه‌مه‌رگێت ژن تلیلیێت سه‌رفه‌رازیێ ڤه‌دان و سووند دخار هه‌تا بهۆسته‌كا ئاخا كوردستانێ و موویه‌كێ سه‌رێ كچه‌كا كورد د ده‌ست داعشێ و هه‌موو نه‌یارێت كورد دا مابن ئه‌و دێ د چه‌په‌رێت شه‌ری دا بن. ژن و مێرێت پێشنمه‌رگه سه‌ر ژ رۆسته‌می ستاند و چیرۆكێت مێرانیێ بۆ نه‌هێلان، هه‌یلا ژاری گورزێ وی دێ هێته ژبیركرن و گورزێ پێشمه‌رگه‌ی دێ وی دبن خوه ڤه‌كه‌ت.
شه‌رێ مه، شه‌رێ مرۆڤانیێ یه، ئه‌م به‌ره‌ڤانیێ ژ هه‌بوونا دایێت خودێ دكه‌ین، كورد بوونه‌چه‌په‌رێ پاراستنا بێخۆدانا. پێشمه‌رگه بوو سه‌رۆك و سه‌ركێشی بوو ئارمانج. ئارمانج راكێشانا داعشانه بۆ ناڤ گویفانكێ سه‌رشۆڕیێ. بلا ئێدی نڤیسه‌ڤان ده‌همه‌نێت دیرۆكێ راستڤه‌كه‌ن، چنكو داعش دارا ب میژوویێ هاتیه ئاڤدان، رهێت وێ دكویرن و بنیاتێ وێ ژ هزرا نڤشپه‌رێسا هاتیه. هه‌موو دبینن، داعشا ئه‌ڤرۆ وه‌كو دوهی چ جهێ دچنێ شوونواران لێ ناهێلن، چنكو دڤێت خه‌لكی و هه‌موو خه‌لكی و مرۆوڤا ببرهینن و تۆڤێ خوه بجهێت وان وه‌ركه‌ن.
عه‌ره‌ب كه‌لكو گومتله‌ك به‌ره‌ك تێك هه‌لڤتن، دبێژن چ هۆلۆكۆست نه‌چێبوونه، چنكو ئه‌وا د مه‌ژیێ وان دا هه‌ی هۆلۆكۆست قنكا بۆ هه‌لناكه‌ت. ئه‌ڤه سه‌رێ چه‌ند سالانه ل فه‌له‌ستینێ شه‌ڕ و شۆڕ به‌لێ هێشتا جهویا هندی چارێكا سه‌رۆك كۆمارێ ده‌وله‌تا هه‌ڤ تخویبا فه‌له‌ستینێ ژ عه‌ره‌با نه كوشتنه! هێشتا ژنێت عه‌ره‌ب نه كرینه سه‌بایه. داعش ب هزرا ئایدۆلۆجیا ده‌وله‌تا ئیسلامی د شه‌ڤه‌ك و رۆژه‌كا دا پێتری پێنج هزار ژنێت بێده‌ستهه‌لات و ئێمنێت ئێزدی
ره‌ڤاندن و ل به‌ر دیوارێت ڕه‌قایێ كرن ره‌قیق وسه‌بایه و ره‌زیلكرن و بازرگانی پێ دكر و كه‌س نه‌شێت بێژیت دوهی ئه‌ڤ تشته نه‌هاتیه كرن.
به‌ری نوكه ژن دكرنه سه‌بایه،دا سه‌رێ زه‌لاما پێ ب چه‌مینن و د هناڤا دا بشكێنن و ئه‌ڤرۆكه ژی ل سه‌ر وێ ده‌وسێ دچن. به‌ری نوكه جهێ دهاته گرتن ژیار لێ دبراند و لێ دكره خه‌لا دا كه‌سه‌ك نه‌ژیت و بچن خوه هه‌وجه‌ی وان بكه‌ن و ئه‌و ژی سه‌رێ وان ب چه‌مینن.
پێر كوردا ل شنگالێ دیرۆكا بووری راوه‌ستاند، باوه‌ری كره مرۆڤایینی و دیندار كره به‌ڕه‌ڤانێ دایێت خودێ و كوردستان هه‌موو داقیڕیا سه‌ر چیایێ شنگالێ و حه‌شر ل داعش و هزرا وان راكر.
ده‌نگێ سه‌ر چیایێ شنگالێ كره هه‌وار و قێڕی و ل دیرۆكا سه‌خته ڕاهێلا و گوت: بلا ئێدی كه‌س وێ هزرێ نه‌كه‌ت كو دێ جاره‌كا دی كوته‌كیێ ل كوردان كه‌ت. ڤێجا بلا شنگال سه‌رێ خوه بلند كه‌ت، چنكو دێ دیرۆكێ راستڤه‌كه‌ت، مرۆڤه‌كێ دی، مرۆڤه‌كێ سه‌ر بلند ب مرۆڤانییا خوه، ئاڤاكه‌ت.
