كوتر
سه‌لمان شێخ مه‌می
تو كۆترا منی
جار تو
ل هێلینا دلێ من
داده‌ی
جار تو
به‌ژنا خوه یا بلند
ل پێشجاڤێن من
باده‌ی
جار تو
ئه‌ڤینا خوه
دكه‌یه ڕووباره‌ك و
دلێ منێ هشك و تێهنی
ئاڤ ده‌ی
جار تو
تیرا چاڤێن خوه
ل نیڤه‌كا دلێ من
دده‌ی
٭ ٭ ٭
جار تو من دهێلی
ل به‌ر عه‌سمانێ ئه‌ڤینێ
دفڕی
ئو به‌ر دبیته دلێ من
هزار جار
ئاگر و گوڕی
نێ من
ژڤانه‌ك ل گه‌ل ته هه‌بوو
دێ كیڤه چی
تو چاوا
خوه ل من ناگری
هه‌گه‌ر ژ به‌ر خاترا دیتنا ته نه‌با
من ئه‌ڤ شه‌ڤه
ئه‌ڤ هه‌می ڕێكه
نه دبڕی
ئه‌ز نوزانم
تو چوویه كیش تاخێ باژێڕی
ل كیش سویك و دكانا
دلا دكڕی
پا ته
دلێ من چلێ كر
تو ژ من دزی
نازڤڕی
دێ كا وه‌ره
خه‌ریبیا ته
ئاگرێ خودێ به‌ردا من
ما ژبلی من
تو خوه ل هیڤیا كێ
دگری
٭ ٭ ٭
6/9/2021
