كورته فلمه‌كێ نوو ل دێره‌لۆكێ هاته چێكرن
ئه‌ڤرۆ، نه‌وزاد هلۆری:
چه‌ند به‌هره‌مه‌ند و ئه‌كته‌ران كورته فلمه‌كێ نوو ل ناحیا دێره‌لۆكێ به‌رهه‌مئینا كو بریاره د فلمه فیسته‌ڤالا دهۆك یا نێڤده‌وله‌تی دا بهێته نیشادان، فلم به‌حسێ دو گه‌نجان دكه‌ت كو ژ بابێ خوه د ره‌ڤن، ئه‌و دچنه ماله‌كا دی كو زه‌لامه‌ك ل گه‌ل گیانه‌وه‌ران دژیت و زارۆیێن وی ئه‌و ده‌رخستیه.
هوگر عه‌لی، ئه‌كته‌رێ سه‌ره‌كی یێ فلمێ ره‌ڤین بۆ رۆژناما ئه‌ڤرۆ گۆت، ده‌مه‌كێ زۆره ئه‌م چه‌ند به‌هره‌مه‌ند و ئه‌كته‌ر مژوولێ چێكرنا كورته فلمه‌كی نه و سوپاس بۆ خودێ چه‌ند رۆژێن بوری فلمێ مه ژ هه‌موو قووناغان ب دووماهی هات.
ناڤهاتی زێده‌تر گۆت، فلم بناڤێ ره‌ڤین هاتیه چێكرن و به‌حس ل ژیانا دو كورا دكه‌ت كو ل گه‌ل بابێ خوه دژین، پشتی كو بابێ وان گه‌له‌ك بو وان نه‌خوه‌ش دكه‌ت ئه‌و ژ بابێ خوه د ره‌ڤن و قه‌ستا ماله‌كێ دكه‌ن كو زه‌لامه‌ك تێدا دژیت و بتنێ یه، ئه‌و ل گه‌ل هنده‌ك گیانه‌وه‌ران دژیت و زارۆیێن وی ئه‌و ده‌رخستیه، من و (محه‌مه‌د ئیدرس) و (كازم نهێلی) ئه‌كته‌ری تێدا كریه، به‌لێ ئه‌كته‌رێ سه‌ره‌كی ئه‌زم.
ناڤبری دیار كر ژی كو وان ل به‌ره د فلمه فیسته‌ڤالا دهۆك یا نێڤده‌وله‌تی دا فلمێ خوه پشكدار بكه‌ن و گۆت ژی، فلم ل گوندێ گه‌له‌كا یا سه‌ر ب ناحیا دێره‌لۆكێ ڤه هاتیه وێنه‌كرن، ژ سیناریو و ده‌رهێنانا (محه‌مه‌د ئیدریس) ـه و ژ وێنه‌گریا (حسێن عه‌بدولواحد)ه، جهێ داخێ یه چو كه‌س و لایه‌نان خوه ل مه نه‌كریه خودان و هاریكاریا مه نه‌كریه.
