كورته فلمێ (ده‌ستێ ده‌یكا من) د قووناغا مۆنتاژێ دایه
ئه‌ڤرۆ:
كورته فلمێ (ده‌ستێ دایكا من) ژ نڤیسین و ده‌رهێنانا (كاردینا هێمن) ل باژێرێ مووسل دهێته به‌رهه‌مئینان و نوكه ئه‌ڤ به‌رهه‌مه د قووناغا مۆنتاژێ دایه.
كاردینا هێمن، نڤیسه‌ر و ده‌رهێنه‌را فلمێ ناڤهاتی ئاشكرا كر كو كورته فلمێ (ده‌ستێ دایكا من) به‌رهه‌مێ پرۆژێ (سپۆتلایتا عیراقێ) و په‌یمانگه‌ها (گۆتێ) یا ئه‌لمانی یه و بۆ توورا میدیایی یا رووداو گۆت: “چیرۆكا ڤی كورته فلمی به‌حسێ قوربانی وان وێرانكاریان دكه‌ت یێن كو شه‌ڕ د دووڤ خوه ڕا دهێلیت، ئه‌و ژی ب رێیا خه‌ونا زارۆیه‌كی د كووراتیا ئازار و قوربانیدانێ دا دبینین”.
كاردینا هێمن، ئه‌كته‌ر و ده‌رهێنه‌ر بۆ ده‌مێ 12 سالا یه د بوارێ سینه‌ما و درامایێ دا كار دكه‌ت، وه‌كو ئه‌كته‌ر د چه‌ندین كورته فلم و فلمێن درێژ و به‌رهه‌مێن درامایێ دا پشكداربوویه، هه‌ر وه‌سا كارێ ده‌رهێنانێ ژی بۆ چار كورته فلمان كریه‌و چه‌ندین خه‌لات ژی د فیسته‌ڤالان دا ب ده‌ستخوه‌ڤه ئیناینه.
