كورته فلمێ وی خه‌لاتێ باشترین سیناریۆ وه‌رگرت
خانكێ، دلڤین ره‌شید:
سینه‌ماكار ( سامان مسته‌فا) د دیداره‌كێ دا بۆ رۆژناما ئه‌ڤرۆ دیاركر كو ل حه‌فتیا بۆری وی ب كورته فلمه‌كی پشكداری د فیسته‌ڤالا كربوو، كو ل هه‌ولێرا پایته‌خت هاتبوو كرن و فلمێ وی خه‌لاتێ باشترین سیناریۆ دوێ فیسته‌ڤالێ دا وه‌رگرت.
سامان كو خه‌لكێ باژێرێ زاخۆیه و ل سالا 1996 ژدایكبوویه، هێشتا گۆت: پێنگاڤا منا ئێكێ بۆ ناڤ وارێ سینه‌مایێ ل سالا 2013 بوو، ل سالا 2015 كورته فلمێ من یێ ئێكێ ب ناڤێ (ژیانا نه‌دیار) هاته چێكرن، ب وی فلمی من خه‌لاتێ باشترین ده‌رهێنه‌رێ گه‌نج ل فیسته‌ڤالا روانگه وه‌رگرت، هه‌تا نوكه من شه‌ش كورته فلم چێكرینه، هه‌روه‌سا د گه‌له‌ك كورته فلم و فلمێن درێژ ژی دا وه‌ك ئه‌كته‌ر و هاریكارێ ده‌رهێنه‌ری من كاركریه، دووماهی كورته فلمێ من ژی ئه‌وێ پشكداری د فیسته‌ڤالێ دا كری ب ناڤێ ( ) بوو، هه‌تا نوكه پشكداری د پتر ژ پازده فیسته‌ڤالان دا كریه و سێ باشترین خه‌لات وه‌رگرتینه، ژوانا ل فیسته‌ڤالا به‌رلینێ و ئوستۆرالیا
