كوردستانم
سەگڤان ئەحمەد
كوردستانا پڕ شرینم
خامتیر و گارە ومەتینم
ئەز زۆزك و هندرینم
سەربلندم ئەز سەفینم
٭٭٭
كوردستانا شوخ و شەنگم
وارگەهێ شێر و پلنگم
كەو ڕوبادێ بناڤ و دەنگم
هەمی دەما ئەز د خوینم
٭٭٭
دار چنارم گول شلێرم
زاخۆ و دهۆك و هەولێرم
ئەز ئەلماس و زیڤ و زێرم
هەمی كوردا د حەوینم
٭٭٭
خابیر و دیجلە وفوراتم
قامشلۆك و مهاباتم
چیایێ سیپانێ خەلاتم
ئەز زۆزان و فەرەشینم
٭٭٭
خانی و فەقیێ تەیرانم
شەرەفنامە و شەرەفخانم
ئەز شڤان و گولستانم
تیرێژم ئەز جەگەرخوینم
٭٭٭
ئامەدم ئەز شێخ سەعیدم
بارزانیمە ئەز حەفیدم
دێ بم دەولەت ب ئومێدم
ئارمانجا دێ بدەستڤە ئینم
٭٭٭
كاوە و نەورۆز و ئاگرم
ئەز بارزانا خوە ڕاگرم
ئەز زیندیمە ئەز نامرم
هەتا هەتا ئەز دێ مینم
