كوردستان دێ قارەمانییا باسكێت بۆلا ئیراقێ یا كچان مێڤان كەت
قەیس وەیس:
د داخویانیەكێ دا جێگرێ سەرۆكێ فیدراسیۆنا باسكێت بۆلا ئیراقێ راگەهاند هەردو باژێرێن هەولێر و دهۆك دێ مێڤاندارییا وەرزێ نوو 2024 یا خولا پلا نایاب ل سەر ئاستێ كچان بۆ پێشكەفتیان كەن، ئەوا بڕیارە هەڤڕكیێن وێ ل ناڤەڕاستا مەها بهێت دەستپێبكەن.
زێدەتر خالد نەجم گۆت: پشتی دانانا پرۆگرام و پلانێن وەرزێ نوو بڕیار هاتییە دان خولا نایاب ل سەر ئاستێ كچان ب شێوەیێ خول دو قۆناغ ل هەردو باژێرێن هەولێر و دهۆكێ بهێنە كرن، بڕیارە ل 14ێ هەتا 19 تەباخا بهێت هەولێر مێڤاندارییا قۆناغا ئێكێ بكەت، دووڤدا ل 26 هەتا 31 هەمان مەها دیار كری قۆناغا دویێ و دووماهیێ ل باژێرێ دهۆكێ بهێتە كرن، هەر بۆ ڤێ یەكێ داخواز ژ یانەیان هاتینە كرن یێن بڤێت پشكداربن نڤێسارەكا فەرمی بۆ فیدراسیۆنا باسكێت بۆلا ئیراقێ بهێتە هنارتن، هەروەسان پێشبینی دهێتە كرن كومەكا باش یا یانەیان پشكداربن.
ژلایەكێ دووڤە ناڤهاتی ئەو چەندە ژی دیار كر بۆ جارا ئێكێ یە د سیستەمێ قارەمانییا خولا باسكێت بۆلا كچان دا كو هەر یانەكێ ماف بۆ هەبیت دو یاریزانێن كچ یێن پیشەكار ل سەر تیمێن خوە زێدەكەن.
بۆ زانین بەری پێشتر یانەیا سەنحاریب وەكو ئێكەم نوونەرا پارێزگەهێ راگەهاند بوو ئەو دێ پشكداریێ د خولێ دا كەن لێ ب فەرمی هێشتا نە هاتییە راگەهاندن ئەو چاڤەڕێ پشتەڤانیێ نە ژبۆ دۆپاتكرنا پشكدارییا خوە.
