كوردستان وه‌لاتێ هونه‌ر و وه‌رزشێ نینه بتنێ عه‌ره‌ب و فارس سترانا لێ دبێژن
ئه‌ڤرۆ، هه‌رهین محه‌مه‌د:
سترانبێژێ گه‌نج ده‌ریا به‌در، دیداره‌كێ بۆ به‌رپه‌رێ هونه‌ری یێ رۆژناما ئه‌ڤرۆ گۆت: من هه‌موو كارێن خوه یێن هونه‌ری راوه‌ستاندینه، چونكو نه لایه‌نێن په‌یوه‌ندیدار و نه وه‌زاره‌تا ره‌وشه‌نبیری و نه كۆمپانی و ئاماده نین هاریكاریا هونه‌رمه‌ندا بكه‌ن و بنه سپونسه‌ر و هه‌ر ژسالا2004 هه‌تا نوكه ئه‌وا ل سه‌ر ملێت من من راكرو من گه‌هان و نوكه دشیانێن من دا نه‌ما و هه‌كه به‌رده‌وام ژی نه‌بم داخازا لێبورینێ ژ گوهدارێن خوه دكه‌م .
ده‌ریایی گۆتژی: هونه‌رژ چه‌ندین به‌شان پێكهاتیه و ستران گۆتنژی پشكه‌كا جوان یا هونه‌ری یه ه ستران گۆتن بۆ دلخوشكرنا خه‌لكی یه و بۆ خودیتنا خه‌لكی یه دناڤ وێ سترانێ دا چ ئه‌و سترانه یا ئه‌ڤینداری بیت، یان سرۆشت و وه‌لاتنی و ئاینی بیت چ جوداهی نینه و یا گرنگ ئه‌وه ته په‌یامه‌ك هه‌بیت ب گه‌هینی و ژبه‌ركو ئه‌ز ل هه‌ولێرێ دژیم دێ به‌حسێ وێرێ كه‌م كافی و خارنگه‌هێن وێ هه‌موو سترانبێژێن بیانی نه ب تایبه‌ت كچن و چ جه نه‌ماینه سترانبێژن مه سترانا لێ بێژن و لایف مۆزیكا ب گێرن و من دو سترانێن بادینی توماركرینه و نه‌شێم ل سه‌ر كیستێ خوه كلیپ بكه‌م و خوه ئه‌و كه‌سێ هونه‌ردوست بت ژی دێ زانیت كلیپكرنا سترانا گه‌له‌ك یا ب زه‌حمه‌ته و پێدڤی پاره‌كێ ئاماده‌یه هه‌تا كو مرۆڤ بشێت كلیپه‌كا جوان چێكه‌ت .
گۆتژی: كوردستان وه‌لاتێ هونه‌ر و وه‌رزشێ نینه، ئه‌ڤ هه‌ردو بیاڤه پشت گوه هاڤێتینه بێ به‌رهرو بێ كه‌سن كوردستان وه‌لاتێ مودێلا و كه‌سێن بیانی یه و بتنێ پاران ل وان دمه‌زێخن ب سه‌دان ده‌فته‌ران و ب كورتی كوردستان نه‌وه وه‌لاتێ هونه‌ری یه و مرۆڤ نه‌شێت ل كوه‌ردستانی َخوه ب هونه‌ری خودان بكه‌ت و نزانم حكومه‌ت و وه‌زاره‌تا ره‌وشه‌نبیری ل كیڤه‌نه ب سه‌ده‌هان یانێن شه‌ڤێ ل هه‌ولێرێ هاتینه ڤه‌كرن بتنێ عه‌ره‌ب و تورك سترانا لێ دبێژن و كورد نابێژن، ئانكو خه‌لكێ هه‌ولێرێ كورد تێدا نین هه‌موو تورك و عه‌ره‌ب و فارسن تێناگه‌هم بۆچی حكومه‌ت ڤێ ئاریشێ چاره‌سه‌ر ناكه‌ت.
