كوردستان وه‌لاتێ ئاواره‌یان!!.. .
ب هه‌می مخابنیڤه ئێدی راڤه‌كرنا هه‌می رامانێن ژیانێ ل دووڤ تشتێ داهاتی دهێته كرن، نه‌ك كا ئه‌و یێ چاوایه وه‌كو خوه، ئه‌ڤرۆ ئه‌م یێن گه‌له‌ك رامانان بۆ ژیانێ دبینین، چه‌ندین ئیدیه‌مێن ئه‌نتیكه ناگونجن ل گه‌ل وێ سالۆخه‌تا بۆ وێ هاتی، ژ كه‌تواری هاتی، كو ب سه‌خته بهێته راڤه‌كرن، له‌ورا ژیان ئێك په‌یڤه هه‌می ژیان ب خوه‌ڤه گرتیه و ئه‌و ئالۆزیێن تێدا هاتین یێن هوور، له‌ورا ده‌مێ دبێژین “ژیان” واته ئه‌و به‌سی مه‌یه كو پێزانینێ ده‌سپێشخه‌ر بكه‌ین ل سه‌ر مێزه‌یا دیالۆگێ، لێ مه‌ره‌ما مه ب دیالۆگا مه گه‌له‌ك تشتن، له‌ورا ژیان ره‌وشه‌نبیریا ژیانێ یه، زانستێ ژیانێ سیاسه‌ته، ئه‌ڤه هه‌می، ل وی ده‌مێ دهێته ته‌مامكرن، رامانا ژیانێ پێكدئینیت، ده‌مێ ئه‌م دپه‌یڤین مه‌ره‌ما مه ئه‌ڤه هه‌میی یه و خۆزی ئه‌و كه‌سێ گوه ل مه دبیت، گوهداریێ بكه‌ت بۆ هه‌مان داخوازێ یا هه‌ست ب لایه‌نه‌كی ژ ڤان لایه‌نان كری، هه‌ر دیسا فه‌ره كو پیڤه‌ر و كێشان دڤێت بهێنه پێكئینان دا كو دیمه‌نه‌ك بهێته دروستكرن ب ڤی ره‌نگی، ئها ئه‌ڤه‌یه وه‌لات، وێنه‌كێ ته‌مام ل ده‌مێ گه‌له‌ك قوربانی داین بۆ ته‌مامكرنا وێنه‌یی و هه‌ر وه‌سا ژی مه گه‌له‌ك ژ ده‌ستداینه بۆ نڤیسینا په‌یڤێن وه‌لاتی، ئه‌ڤجا هه‌كه لایه‌نه‌كی گه‌ف كرن، یا فه‌ر و ئه‌رك ئه‌وه ل سه‌ر ملێن مه كو نه‌هێلین پێزانینێن وینه‌یێ راست یێ وه‌لاتی بهێنه ڤه‌دزین و ژده‌ستدان، چونكو ل كوردستانێ گه‌له‌ك رامانێن مه‌زن و ب بها هه‌نه، ده‌ستكه‌فتێن هه‌ژی ل وی ئاستینه كو قوربانیدانه‌كا ژدل بۆ بهێته دان، ئه‌ڤجا سه‌رخوه‌بوونا وه‌لاته‌كی رامان ژێ ئه‌و نینه كو ژێكژێكبوونه یانژی پارچه‌بوونه، لێ به‌ره‌ڤاژی ئه‌و خڕڤه‌بوونه‌كه و زێندیكرنا ئێكبوونێ یه و پاراستنا ئێكرێزیا وه‌لاتێ كوردی یه و پاراستنا ناسنامێ و دیرۆكێ و شارستانیێ, كو ره‌هورووشالێن خوه هه‌نه ناهێنه هه‌ژمارێ د دیرۆكێ دا، یا راست مرۆڤ بێژیت دڤێت ئه‌ڤ شارستانیه سه‌ربه‌خوه ببیت و ناسنامه و دیرۆك بهێنه پاراستن، تشتێ ئه‌م ئه‌ڤرۆ ل عیراقێ دبینین هه‌ده‌ركرنا مافانه و هه‌كه ئه‌ڤ دۆخه به‌رده‌وام ببیت ل سه‌ر ڤێ سه‌نتێ، دێ هه‌می تێكۆشانێن هاتینه مه‌زاختن ژ پێخه‌مه‌ت وێ قووناغا ئه‌م گه‌هشتینێ دێ به‌رزه بن، ل هه‌مبه‌ر به‌رژه‌وه‌ندیا گشتی و نه‌ك ب تنێ بۆ كوردان، كو وه‌لاتێ كوردی به‌رگری كریه پێخه‌مه‌ت پاراستنا ئاسایشا عیراقا به‌رێ، ئه‌م ل كوردستانێ هه‌ست ناكه‌ین كو عیراق هاتیه گوهارتن، لێ ئه‌و هه‌می فاكته‌رێن ره‌سنن یێن مه‌راداتی و ره‌سه‌ناتیێ ل ڤێره ل كوردستانێ، یێ شه‌هید دبیت ئه‌م هه‌می پێكڤه بۆ دگرییێن و شادی ژی یا مه هه‌میان ب هه‌ڤرا، ئه‌م ناخوازین هه‌ستا وه‌لاتی ژده‌ست بده‌ین، مه ئه‌و ماف هه‌یه ب هه‌می رۆژه‌ڤ و پاشه‌رۆژێ كو پترێ ژ مافێن خوه داخواز نه‌كه‌ین و زێده‌تر نه‌خوازین, ئه‌و به‌سی مه‌یه كو هه‌می شانازیێ ب ڤی وه‌لاتێ بچووك ببه‌ین، ئه‌م ب هزاران ژ ئاواره و زیانڤێكه‌فتێن بێگونه‌ه حه‌واندینه، ئه‌م ژی وه‌كو به‌شه‌ر مه ته‌خسیری نه‌كریه ژ به‌خشینا پشته‌ڤانیا مۆرالی و ده‌روونی بۆ هه‌میان، مه ژی شیانێن مه‌زن هه‌نه ناهێلیت كو ماف نه‌هێنه پاراستن و ئه‌ركێن مه ژی بهێنه ئه‌نجامدان، له‌ورا وه‌لات و ئێكبوونا وی د ناڤ خوینا هه‌ر مرۆڤه‌كی دا دگه‌ریێت و ئه‌ڤێ هه‌ستێ ژی كه‌س بهایێ وێ نزانیت ژ بلی وی كه‌سی یێ وه‌لاتێ خوه ژده‌ست دای و غه‌ریبی و كۆچبه‌ری دیتی، ئه‌ڤجا هه‌ر كه‌سێ ئێكبوون و خۆراگریا مه نه‌ڤێت و هێزا مه و وه‌لاتێ مه، ئه‌وه یێ وی تشتی بێژیت كو یێ به‌رئاقل نه‌بیت، و ماف نه‌بیت وه‌بێژیت، كو حوكمی ل سه‌ر هنده‌ك ملله‌ت و گه‌لان و هۆزان بده‌ت، كو ڤێ پرسێ ڤه‌بڕیت و دارێ ژ بنی ببڕیت، ئه‌ڤه وه‌لات و ده‌وله‌ت و ئالا و سه‌روه‌ری و مالا مه‌زنه یا ده‌رگه‌هێ خوه ل به‌ر روویێ چو كه‌سه‌كی نه‌گرتی و خوه ل به‌ر كه‌سێ قه‌لس نه‌كری و چه‌ندی شیایی ل ڤی سه‌رده‌می تێكۆشاندی و قه‌نجی ژی ژ خودایێ مه‌زنه.. ..
وه‌رگێران ژ عه‌ره‌بی: ئه‌ڤرۆ
