كوردستان و ستراتیژیا ئهمریكا
ویلایهتێن ئێكگرتی یێن ئهمریكا، ب بهردهوامى د بزاڤا دارێشتنا ستراتیژیهتهكا دهم درێژن داكو وهكو زلهێزترین و كاریگهرترین هێزا جیهانێ ژ ههمى لایهنهكی ڤه بمینن و بهردهوام بن، دیرۆك و نهایا ههرچار ولاتێن داگیركهرێن كوردستانێ وێ ڕاستێى دیار دكهن كو ههردهمهكێ دهلیڤه بۆ وان چێ بووی و چێ دبیت، حهسوودیا داگیركرنا ولاتێن دی دكهن و ب بهردهوامى د بزاڤا خۆرتكرنا كهرتێ سهربازی و مخابراتی دانه، ئهڤ چهنده ژ بۆ سیاسهتا ئهمریكا جهێ گهشبینی نینه د پاشهڕۆژا وێ دا. ب دیتنا من ژ بۆ ئهمریكا باشترین سیاسهت كو ل ڕۆژههلاتا ناڤین پهیرهو بكهت، پارڤهكرنا ولاتێن مهزن و سهبازینه، ژ بۆ پارڤهكرنا ڤان ههرچار ولاتان كورد باشترین میكانزمن كو ئهمریكا بشێت مهترسی و هێزا سهربازى و سیاسیا وان د پاشهرۆژێ دا ئهگهر ژناڤ ژى نهبهت كێم بكهت و نههێلیت، ژ بۆ پهیرهوكرنا ڤێ سیاسهتێ ئهمریكا گرنگیهكا مهزن ب كوردستانێ ددهت و دهمهكێ درێژه پلان كێشاى، لێ ئهڤ پلانه ب قووناغێن جودا جودا و دهم درێژ دهێته بجهئینان، د قووناغا دهسپێكێ دا ئهمریكا گرنگیهكا زۆر ب ههرێما كوردستانێ ددهت، ژبهركو ههرێما كوردستانێ قووناغێن ههستیار دهرباز كرینه و تا ڕادهیهكێ زۆر باوهرى بۆ ولاتێن كهنداڤێ عهرهبى و ئورۆپا ژى چێ كریه كو جهێ مهترسیێ ل سهر چ لایهنهكى نینه، لهوما ئهركێ ئهمریكا ژ بۆ بجهئینانا پلانا وێ سڤك كریه، ژبلى ڤان خالێن مه ئاماژه پێداى پارچهكرنا ڤان چار ولاتێن كوردستان داگیركرى، مهترسیێ ل سهر ولاتێ ئیسرائیلێ كێم دكهت كو ههردهم ل دهف ئهمریكا تێكدانا ئاسایشا ئیسرائیل هێلا سۆر دهێته زانین، ههرێما كوردستانێ وهكو بناغهیهكێ گرنگه كو ئهمریكا سیاسهت و ستراتیژیهتا خوه پێڤه گرێداى د رۆژههلاتا ناڤین دا، چهندین جاران ژى ئهڤه ژ لایێ ئهمریكاڤه ب راستهوخۆ و ناراستهوخۆ هاتیه دووپاتكرن كو دبێژن ئاسایشا ههولێرێ ژبۆ مه هێلاسۆره، ب تایبهت د شهرێ داعش دا كو د ناڤهڕاستا 2014دا، ئهمریكا گرنگى وهكى پێدڤى ب ئهولههیا مووسل و بهغدا نهداى، لێ دهمێ داعش نێزیكى ههولێرێ بووى راستهوخۆ ئهمریكا ب ڕژدى و پراكتیك ههلویست وهرگرت و هاته سهر هێلێ ئهڤ پارێزگاریكرنا ئهمریكا ژ ههرێما كوردستانێ مهبهست سهرخستنا سیاسهتا خوهیه ل دهڤهرێ نهكو بابهتهكێ مرۆڤى ئانكو عاتفى، ههردهمێ ههرێما كوردستانێ تووشى شكهستنێ بوو و د پاشهڕۆژێ دا دهولهتا كوردستانێ دروست نهبوو، سیاسهتا ئهمریكا ل رۆژههلاتا ناڤهڕاست كو چهندین ساڵن پهیرهو دكهت دێ تووشى ههرفتنێ بیت، د ڤان ههڤكێشهیان دا و ئهمریكا گرنگییهكا مهزن ب ڕۆلێ سهرۆك بارزانى ددهت، ژبهركو بارزانى تهنها سهرۆكه پترین كار ژ بۆ دامهزراندنا دهولهتا كوردى دكهت و ب چ ئاوایهكى بۆ چ پۆست و ئیمتیازهكێ نهیارێن كوردان و ئهمریكا دهست بهردارى ڤێ ئامانجا خوه نابن، ئهڤ چهنده ژى ئهوه یاكو ئهمریكا دڤێت ل دهڤهرێ پراكتیزه بكهت بۆ بهرژهوهندیێن خوه و ههڤپهیمانێن خوه، ئهڤ ئاماژه گهشبینیهكا مهزن د ئایندێ ههرێما كوردستانێ دا چێ دكهت و هیڤیێن كوردان گهرم دكهت.
