كوردستان 24 رەنگڤەدانەكا باش دایە وەرزشێ
عەلی حاجی:
ئەڤین حسێن، پێشكشكارەكا وەرزشی یە ل كەنالێ كوردستان 24 د دیدارەكێ دا بۆ رۆژناما ئەڤرۆ دیاركر، شانازییە بۆ وێ وەكو ئێكەم كچا كورد د دیدارێن تایبەت دگەل باشترین رۆژنامەڤانێ وەرزشی د
جیهانێ دا ئەنجام بدەت و وێ چاڤ ل پێنگاڤێن مەزنترە.
زێدەتر گۆت: خوە ب سەركەفتی دبینم د رۆژنامەڤانیا وەرزشی دا و هەتا نوكە من شیایە گەلەك پێنگاڤێن باش پاڤێژم و من شیان و باوەری ب خوە هەیە كو دێ شێم خزمەتەكا باشتر یا وەرزشا كوردستانێ كەم و هەموو دەمان من هەولدایە بێ هیچ جیاوازییەك خزمەتا هەموو یانەیێن كوردستانێ بكەم، پێدڤیە ئافرەت و یانەیێن كوردستانێ زێدەتر باوەریێ پەیدا بكەن و ئافرەت دەلیڤەیەكا باشتر دناڤ راگەهاندنا وەرزشێ دا بهێتە دیتن، شانازیێ ژی ب هندێ دبەم وەكو ئێكەم كچا كورد یا رۆژنامەڤانا وەرزشی دیدارێ دگەل فابریزیو رۆمانو رۆژنامەڤانێ جیهانی بكەم و پێدڤییە راگەهاندنا كوردی پێنگاڤێن جیهانی بونێ پاڤێژن و كوردستان 24 رەنگڤەدانەكا باش دایە وەرزشێ و شیایە ڤالاهیەكا باش یا راگەهاندنا وەرزشێ تژی بكەت و وەرزشا كوردستانێ هێشتا پێدڤی ب كەنالێن تایبەت یێن وەرزشی هەیە و پێدڤییە ئەم روویەكێ جوانتر یێ جەماوەرێ یانەیێن كوردستانی نیشا ئێراقێ و جیهانێ بدەین.
