كوردستان
سەردار مەجید
كوردستان
چیایێ بلند
روبارێ وەكی دەمارا بۆ دلی
گول ب گول و تو ئەردەكێ ئەزەلی
دیرۆكا كەڤنار
پاشەرۆژا رۆناك
وارێ ئازادا
د ناڤ ناخا ڤینا تەدا
هێز و نهێنی نە،
خوراگری و شەهید و خوینە
سەركەفتن و عشق و ئەڤینە
دیرۆك ب چیایێن تە یێن مەزن
زەنگین و شانازە
گەردوون ب تە سەرفەرازە.
شۆڕەش و سەرهلدان، چیا شاهدن،
ل سەر وان یێن د رێكا شانازیێ دا چووین،
د دلێ تەدا روومەت لێددەت،
گەلێ تەیێ نەترس، تاری نەشێت ب راوەستینیت.
د ئەسمانێ تەدا ستێر دبرسقن،
ئەردێ تە و شەهیدێن قارەمان،
هەر پێنگاڤ ب هیڤیەكا نوی دژیت
گەش دبیت
ب دلێن ئازا و ئیرادا بازا
هەمی كورد چیانە
كوردستان.. وارگەهێ سەربلندیێ
تو دێ هەر د دل دا مینی
چەند نەحەز ببن ئاستەنگ
چەند دوژمن ل مە بكەن جەنگ،
ب تە هیڤی دژین
د گیانێ تەدا
چیرۆكێن زەمانی دهێنە نڤیسین.
