به‌همه‌ن قوبادى دێ فلمه‌كى بۆ هۆليۆدێ دروست كه‌ت
ئه‌ڤرۆ نيوز، فاتما مزوورى:
سينه‌ماكارێ كورد به‌همه‌ن قوبادى كو نوكه د ئێك ده‌م دا فلمێن وى ل 13 ولاتان دهێنه نمايشكرن، مژوولى به‌رهه‌مئينانا فلمه‌كێ سينه‌ماى يه ل ئه‌مريكا و يێ د قووناغا وێنه‌گرتنێ دا و به‌رهه‌مێ ئێك ژ مه‌زنترين كۆمپانيێن هۆليۆدێ يه.
قوبادى كو نوكه ب سه‌ره‌دانه‌كێ ل هه‌رێما كوردستانێ يه بۆ رووداو گۆت: “ئه‌ڤ فلمه به‌رهه‌مێ ئێك ژ مه‌زنترين كۆمپانيێن هۆليۆدێ يه، به‌لێ هه‌تا نوكه گرێبه‌ست نه‌هاتيه ئيمزا كرن، ژ به‌ر هندێ من نه‌ڤێت ناڤێ وێ بێژم”.
قوبادى گۆتژى: “كۆمپانيه‌كا مسرى داخواز ژێ كريه كو فلمه‌كى ل سه‌ر كه‌ساتيه‌كا ئيسلامى يا سه‌رده‌مێ پێغه‌مبه‌رى دروست بكه‌م، به‌لێ هێشتا من بڕيار ل سه‌ر وى كارى نه‌دايه”.
