كورده‌ك نێزكێ كڕینا یانا چێلسی یه
ئه‌ڤرۆ،
بازرگانێ كورد و خه‌لكێ باكۆرێ كوردستانێ موحسن بایراك نێزیكه یانا چێلسی یا ئنگلێزی ب كریت، پشتی ملیاردێرێ روسی و سه‌رۆكێ یانا ئنگلێزی رۆمان ئیبرامۆڤێچ بڕیاردایی بفرۆشیت ده‌رئه‌نجامێ شه‌ڕێ نوكه و داگیركرنا وه‌لاتێ وی ل سه‌ر وه‌لاتێ ئۆكراین و سزایێن ئێكه‌تیا ته‌پا پێی یا ئۆرۆپا ل سه‌ر وه‌رزشا وه‌لاتێ وی.
لدووڤ رۆژناما Yeni Safak یا توركی كو دانۆستاندن لسه‌ر مه‌رجێن كرینا یانێ ل گه‌ل پارێزگه‌رێ سه‌رۆكێ یانێ رۆمان ئیبرامۆڤێچ هاتینه كرن و پێنگاڤێن باش هاتینه هاڤێتن بتنێ چه‌ند به‌نده‌ك ل گه‌ل كۆژمه‌كێ داخوازكری مایه هه‌لاوستی و دڤێ حه‌فتیێ دا دێ مزگینیا كرینا ئێك ژ مه‌زنترین یانه ل ئۆرۆپا و ئنگلیزێ بۆ وه‌لاتێ توركیا هێته راگه‌هاندن، ژلایێ خوه‌ڤه به‌رپرسێن یانا ئنگلێزی بۆ سكایی سپۆرت یا بریتانی ئه‌وچه‌نده ب راستی دا زانین و دوور نابین نكو بازرگانێ كورد دێ یانێ كریت.
بۆ زانین موحسن بایراك خه‌لكێ باژێرێ به‌دلیسێ یه ل باكۆرێ كوردستانێ وه‌به‌رهێنانێ ل وه‌لاتێن توركیا، ئه‌لمانیا، ئیتالیا، یونانستانێ، بریتانیا و ئسپانیا و خودانێ كۆمپانیا AB Grup Holding ل توركیایه و سه‌رمایه‌داریا وی ب 11 ملیار دۆلارانه.
