كوردۆ، ئهڤ چ حاله؟
ل ناڤچهیا ئامهدا سوورێ ههری داوی ٦٤ رۆژه ژیان قهدهخهیه. د ڤان ٦٤ رۆژان دا ل سوورێ كوشتن، تالانكرن، وێرانكرن و زلم و زۆردهسی كێم نهبوو! مخابن گهلهك وهلاتیێن سڤیل هاتن كوشتن و ب رۆژان جهنازهیێن وان ل كۆلانا مان! مالباتێن وان ژ بۆ كو جهنازهیێن خوه ب دهست بێخن و ڤهشێرن ب رۆژان كهتن گرهڤا برچیبوونێ! شارهدار هاتن بنچاڤكرن و گرتن، رێكخستنێن سیاسی ههر وهسا هاتن گرتن و ژیانا دانووستاندنێ ژی ل سوورا كوڤن ب داوی بوو! نه ب تهنێ وهلاتی و تێكهلیێن ژیانێ مخابن چاند وبهرنایێن جیهانی ژی هاتن وێرانكرن!
ب ههزاران تیمێن تایبهت و لهشكهر، ب ههزاران كۆروجی و ب سهدان هێزێن یهكهمینێن توركی ل سوورێ هێریش پێك ئانین! ب تانك و تۆپان ب ماشینهیێن زرخی و ب گهلهك چهكێن گران ههر رۆژ، ههر شهڤ ههر شهر بوو! ئێدی دهنگێن تۆپباراندنێ دگههشت ناڤچه و گووندێن ئامهدێ!
مخابن وهلاتیێن سڤیل ل دهرڤهیێ سوورێ تهماشهیی شهری دكرن! هنهك كهسان ب دلهك بریندار هنهك كهسان ل كافهیێن ناڤێ وان ب ئینگلزی رهوشا سوورێ دشۆپاندن! یێن خهمگین بوون د گۆتن كا ئهم چ بكن یێن كو دهرهوین بوون د گۆتن “كا قههوهكا مۆكا، كا پهرداخهكێ شهربهتا پرتهقالێ بۆ من بینه” ئهو كهسێن دهرهو و دروو ژ ههر بایهكێ سار ل سهر فهیسبووك و توتتهر هێریشێن سوورێ پارڤهدكرن ! خوهزی وه دیتبا كا چ وهلاتپارێز بوون ل سهر ئنتهرنهتێ!
بۆ ههوه چ بێژم !
ئهڤه ژ سهدا ئێك بوو من بهحسا سوورێ كری. ههروهها زێدهتری ڤان بوویهران ل جزیرێ ژی پێك دهات! پۆلیتكا خهندهكا شاش به ئان نهشاش به! پشتی كو ب تانك و تۆپان ل سهر وهلاتیێن مه هێریش پێك هاتن، پشتی كو دایك جهنازهیێ زارۆكێن خوه د سارنجا دا حهواندن، پشتی كو جهنازهیێن داییكا ب رۆژان ل كۆلانا مان، پشتی كو زارهكهكی ٣٥ رۆژی هاته كوشتن چ پێوسته كو ئێدی مرۆڤ سیاسهتێ بكت! (گۆتنا من ژ ههر پارتیێن سیاسی و كورد و كوردستانی رهیه) ما ئهڤه نه فهرمانه كو ل سهر كوردا هاتیه دایین و جارهكه دن ژی جهرباندنا كۆمكوژیا ل سهر گهلێ كورد پێك تینن؟
مخابن كورد هێ ژی ب ئهوروَپیان تێنه خاپاندن! ژ بهرێ دا ئهوروَپی ل گۆر بهرژهوهندیێن خوه سهرهدهری ل گهل دوزا كوردا كرنه و كورد بتنێ هێلانه! یا ههری داوی ژی ل سهر بابهتێ شهرێ باكوور و ژ بۆ چارهسهریا رۆژاڤا، ئهوروَپی ل گۆر بهرژهوهندیێن خوه ههرهكهت كرن. بالا خوه بدنێ كو ژ بۆ باكوور بێدهنگن و د ههڤدیتنێن جنێڤێ دا كوردا ناههسبینن!
د گۆتنا داوی دا واته و ئارمانجا ڤێ نڤیسێ دخوازم ب گۆتنهك دیرۆكی بنڤیسم. ههگهر ئهم نهبن یهك ئهمێ بچن یهك ب یهك!
بهرههڤكرن: ئهڤرۆ
