كورد قڕان
عبدالقادر حەمید ئورمانی
ب چ سورەت و
ب چ ئایەت
ب چ دەلیل و
ب چ حوجەت
تە مللەتێ منێ ژار
ئەنفال كر؟!
تە ل زاڕوێن بێ گوننە
جەرباند هەیبەت؟!
……….
ب چ تەفسیر و
ب چ تەئویل
ب چ تەكبیر و
ب چ تەمویل
تەمللەتێ منێ ژار
ئەنفال كر؟!
تە حەلال كرن
ئیبادە وتەڕحیل؟!
……..
ب تنێ ب گوننەها
چونكی كوردبووین؟!
تە ل مە راكرن ئەنفال
و دەربەدەر بووبن
تە ڤییا مە قڕكەی
تە ڤییا مە بنبڕ كەی؟!
لێ تو نەمای و
ئەم هەر ماین و
هەر زێدەبووین .
………….
تە ژبیر كر
میللەت نا مرن، نەخێر
گەر هند بمرن
هند دبن شوڕەشگێر..
تە ژ بیر كر
یەزدانێ تەدبینیت
تە پێكڤە سۆتن
دل ومزگەڤت و دێر .
………….
ئەڤرۆ ئەز و
ئەڤە و یێ هە و یێ هە
دئازادین ب پێنوسێ ڤی و
گوڕیا تڤەنگا
قارەمانێ هە
یێن شەهید بووین ژی
چوونە بەهەشتێ
تو ژی ل دوزەخێ
هێشتا یێ ددەی
مافێ شەهیدێ هە.
