كورد !! و جینۆسایدا رهوشهنبیرى!!
پشتى شهرێ جیهانى یێ دووێ پتریا وهلاتن زلهێز ههولدان كونترۆلا نهتهوه و وهلاتێن بچووك بكهن ب رێیا هندهك پیلانێن گرێدایى رهوشهنبیریا وان نهتهوه و وهلاتانڤه و شیان دهستكهفتێن مهزن بدهستڤه بینن بێى شهر و بكارئینانا ئابوورى، بهلكو ب تنێ ب رێیا هندهك دابونهریتن نوو و دهستێوهردانا سیستهمێ خواندنێ و مایتكرن د كاروبارێن ئایینیدا و چێكرنا كهسایهتیا بۆ هندهك كهسانێن نهباش د ناڤ وان جڤاكان دا و ئهڤ چهنده دیاربوو تایبهت ل وهلاتێ چینێ و پیلانێن وێ ل دژى ههرێما تبت و پیلانن ئیسرائیلێ ل دژى فهلستینێ و عهرهبان و پیلانێن فرهنسا دژى هندهك وهلاتێن ئهفریقیا و رۆژههلاتا ناڤین.
كورد ئێك ژ نهتهوێن دهڤهرا رۆژههلاتا ناڤینن و ب درێژیا دیرۆكێ خهبات و شۆرهش كرینه بۆ قورتالبوون ژ سیتهمێ و ئێكهم نهتهوهیه ل جیهانێ كو داگیركرى ژ لایێ سێ نهتهوهێن جودا یێن سهرهكى ل دهڤهرێ، ئهو ژى تورك و فارس و عهرهب و هاتیه پارچهكرن و تانوكه ب مافیێن خوه شاد نهبووینه و بهردهوام د خهباتێدا نه.
ب درێژیا دیرۆكێ دوژمنێن كوردان ل گهل بكارئینانا چهكى بهردهوام كار دكربۆ ژناڤبرنا رهوشهنبیریا كوردى و دابونهریتێن كوردهوارى و ههمى بزاڤ كرن كو هزر و زمان و فهلسهفا كوردان بۆ ژیانێ ژ نافببهن كو د بنهرهتدا مللهتێ كورد ڤیایه ئازاد بژیت و چ سیتهم قهبوول نهكرینه.
لێ پشتى بۆرینا دهمى تایبهت پشتى سهرهلدانا سالا 1991 و ههلبژارتنێن سالا 1992 كو ئیدارهكرنا ههرێمێ كهتیه دهست كوردان دیاربوو كو جڤاكێ كوردى تووشى چ جۆره جینوساید بوویه، نهك ب تنێ یانهتهوهیى بهلكو یارهوشهنبیرى ژى بگره ژ رهفتاركرنێ و زمانى و دانانا ناڤا و ئیدارهكرنا دامودهزگهه و نهریتێن جڤاكى و زالبوونا حزبا ل سهر مللهتى و خوهیا بوو كو یێ تووشى چهند نهخۆشیێن كوژهك بووى و نهشیا ژ قهیدا هندهك یاسا و كێشهیان دهربكهڤیت و پاشى تووشى چهندین شهر و كێشه و قهیرانان بووین ههتا ل سالا 2003 و روخیانا رێژما بهعس.
ل سالا 2003 و پشتى روخیانا رێژێما بهعس و دروستبوونا عیراقا نوو یافیدرال ل دووڤ دهستوورى ئێدى دهریێن سنۆرى و فرۆكخانه ب شێوهكێ فهرمى ل بهرامبهر وهلاتیان و دونیایێ ڤهبوون و وهلاتێن دهوروبهر ب دهلیڤه دیت ب ههمى رێیا چ یابازرگانى و وهبهرهێنانێ و چ یێن ئایینى و چ یێن راگههاندنێ و چ یێن خیرخوازى و سیاسى. جڤاكێ كوردى داگیركر و پارهكێ ئێكجار مهزن كهته د ههرێما كوردستانێ دا، ئێدى خهلكى خوه ل بهر بهرژهوهندیا و دابینكرنا وان نهگرت و ههر زوو ههمى تشت بدهستكهفتن و دونیا دیت و خهرجیهكا مهزن كر و چونكى چ قانوونێن تایبهت و ب هێز ب ههرێمێ ڤه نهبوون كو جڤاكى و كارى و بازرگانیێ رێكبێخیت ئهڤ چهنده بوو ئهگهر سهختهكارى و گهندهلیێ ب شێوهكێ مهترسیدار بهلاڤ ببیت.
ب ڤى رهنگى و ب ناڤێ دیمۆكراسیێ پارت و لایهنێن سیاسى و رێكخراوێن جڤاكێ سڤیل و كۆمپانیێن بازرگانى دروست بوون و ئێدى نه قانوون و نه دیرۆكێ و شۆرهشان و مافێن مللهتێ كورد و چارهنڤیسێ وى بها نهمان. خهلك هێدى هێدى ژ ههر تشتهكێ كوردهوارى دووركهفت و تهكنهلۆجیایێ و دیتنا جێهانێ ب رێیا ئهنترنێتێ و هایداربوون ل سهر ههر تشتهكى دهلیڤه خۆشكر بۆ دوژمنێن دۆزا كوردى كو ب رێیا راپۆرتن درهو دیرۆكا كوردى بشێوینن و كرێت كهن د چاڤێ تاكێ كورد دا و ب رێیا درامایێ جڤاكێ كوردى خرابكهن و ب رێیا رێكخراوا و وهبهرهێنانێ و پیلانێن سیاسى دوبهرهكیێ و سێ بهرهكیێ دروستكهن و تاكێ كورد گههشته ئاستهكى چ تشتان بها ل دهف نهما ژ بلى حهزێت وى.
پارتێن سیاسى ههست ب ڤێ مهترسیێ كر و نه چاربوون پهنایێ ببهنه بهر عهشیرهتگێریێ بۆ پاراستنا خوه و كۆنترۆلكرنا جڤاكى ههر چهنده ئهڤه رێیهكا خهلهت بوو، بهلێ یانهچاریێ بوو بۆ بدهستڤهئینانا دهنگان. هۆسا دوباره ئاغاتى و عهشیرهتگێرى زڤریڤه و شیان كۆنترۆلا زۆر كار و بریاران بكهن و مایتكرنێ د زۆر كاران دا بكهن و بوونه بارگرانى بۆ پارتێن سیاسى و جڤاكى ژى و بوونه ئهگهر گهندهلى بهرفرههتر و دژوارتر لێ بێت.
هۆسا جڤاكێ كوردى گوهۆرینێن مهزن بسهردا هاتن و تووشى جینۆسایدهكا رهوشهنبیرى یا مهزن بوو، لهورا پشتى قهیرانێن سالا 2014 و شهرێ داعش دهلیڤه خۆش بوو كو سهركردایهتیا كوردى ل وان شاشیان بزڤریت و چاره بكهت ههر چهنده كارهكێ مهزن هاتیهكرن، لێ هێشتا زۆرا مایى بهێتهكرن كو كورد ڤێ قووناغا مهترسیدار دهرباز بكهت و بۆ ریفراندۆمێ تاكێ كورد حازركهت دا دهنگ بۆ ئازادى و رزگاركرنا خوه بدهت نهك دوباره بهرژهوهندیێن بهرتهنگ وى كۆنترۆلكهن و ڤێ دهلیڤێ ژ دهست و خوه و مللهتێ خوه بكهت.
