كورد و دهرفهتهكا دی بۆ بهغدا
وهكو یا دیار و بهرچاف د ڤان چهند سالهێن داویێ دا ئهم دشێین بێژین سال بوَ سالێ روَل و پێگههێ كوردان ل بهغدا یێ لاواز دبیت، ئهڤه ژی بوَ وێ عهقلیهتا بهرتهنگا بهغدا دزڤڕیت یا كو سیاسهت و حكومڕانیێ پێدكهت وهكی ئهم ههموو دزانین ههر ل دهستپێكا ئازادكرنا عیراقێ دا كوردان روَلهكێ كارا و بهرجاڤ ههبوو بهلێ پشتی دامهزراندنا حوكمهتێن عیرقێ یێن ئێك ل دووڤ ئێك و تا نوكه ژی بهردهوام ههول ددهن داكو روَلێ كوردا لاواز بكهن ل بهغدا وهكو مهگوتی ئهڤ چهند سالهكێن داویێ تا رادهكی ئهف هیڤیا وا هاتبوو دی ب تایبهتی د ڤێ خوَلا پهرلهمانی یانوكه دا و د حوكمهتا عهبادی دا چنكو ههر ل دهستپێكا پێك ئیننا حوكمهت و كابینا عهبادی ههولێن وێ ئێكی هاتنهدان كو كوردا پهراوێز بێخن و چ گرنگیێ پێ نهدهن، ئهڤه ژی بشێوهكێ بهرچاڤ د حوكمهت و كابینا عهبادی دا دیاربوو. ئهڤێ ئێكێ ژی پتر روَل و سهنگێ كوردا ل بهغدا لاواز كر، ڤێجا ئهز دبێژم ئهف دهرفهتا بوَ مه هاتیه پێش و دڤێت ئهم ژ دهست نهدهین و مفای ژێ وهرگرین و ئهگهر ئهم بێژین ئهو چ دهرفهته بو مه كوردا هاتیه پێش دێ بێژین تێكچوونا ناف مالا شیعی یه ئا نكو ناكوَكی كهتیه د ناڤا كوتلهیێن شیعی بخوه دا ههر هوسا ناكوَكیا د نافبهرا شیعه و سوننا دا یا بهردهوامه و دیسا شهرێ داعشێ ژی تارادهكێ مهزن حوكمهتا عیراقێ لاواز كریه ڤێجا ئهڤه دهرفهتهكه بوَ مه كوردا هاتیه پێش دا كو سهنگێ خوه یێ جاران بزڤرینه ڤه ل بهغدا؛ چنكو ئهڤ چهند سالێن حكومڕانیا بهغدا بوَ مه باش دیاربوو كو هندی حوكمه تا بهغدا بهێز كهڤیت دێ پتر ههولادهت كو كوردا لاواز بكهت، ڤیجا ئهڤ دهرفهتا بوَ مه كوردا هاتی ژی دڤێت ژ دهست نهدهین و ئهگهر ڤێ جارێ كورد بزڤڕنه ڤه بوَ بهغدا دڤێت ب مهرج بزڤرین و مهرجێن مهژی نه بهس ئاخفتنا ل سهر زمانی بیت بهلكو دڤێت حبرێ ل سهر وهرهقێ بیت و ئیمزا ههردوو لایهنا ل سهر بیت ههر چهنده ئهم باش دزانین كو بهغدا چ سوزێن خو بجه نا ئینیت و رێزێ ل رێككهفتنان ناگرت دگهل كوردا، بهلێ ئهگهر دهمهات و ئهم ژ بهغدا جودابین دێ ل وی دهمی مهژی هندهك بهلگه ههبن كو بێژینه جیهانێ ههموویێ بهغدا پابهند نه بوویه ب چ رێكهفتنێن خوه دگهل كوردان چنكو مه گهلهك رێكهفتن دگهل بهغدا ئهنجام داینه و چ ژوان جێ بهجێ نه بووینه و ههردهم د ڤان رێكفتنان دا كورد زهرهرمهند بووینه؛ ڤێجا دڤێت ڤێ جارێ كورد ئهڤان خالان ههموویان ل بهرچاڤ وهرگریت داكوڤێ جارێ ژی زهرهرمهند نهبیت؛ ههرچهنده وهكی مه گوتی بهغدا چ رێكهفتنێن خوه جێ بهجێ ناكهت بهلێ ئهڤه ژی دێ بیته دهرفهتهكا دی بوَ بهغدا ههردهما ئهڤ رێكهفتنه ژی جێ بهجێ نهكر ل وی دهمی ئهم ژی دێ شێین ب بهلگڤه بێژینه جیهانێ ههموویێ ههردهم مه ڤیایه پشكهك بین ژ عیراقێ بهلێ پا بهرۆڤاژی عیراق نه ڤیا یه ئهم پشكهك بین ژ وێ، ل وی دهمی دێ رێك بوَ مه ژی خوهشتر لێ هێت ئهم ژعیراقێ جودابین و سهربهخوَیا خوه ژی رابگههینین و دهولهتا خوه دامهزرینین.
