كورد چاوا مفای ژ ئالۆزیێن عێراقێ وهربگرن
رهوشا عێراقێ گهلهك ئالۆز و شهپرزه بوویه و ڤالاتیهكا مهزن كهتیه د ناڤ پێكهاتێن وێ دا، ههروهكی د دیرۆكێ دا دیار چ جاران شیعه و سوننان پێكنهكریه و نوكه ژی جارهكادی شهرێ د ناڤبهرا شیعه و سوونان سهرههلدایهڤه و نوكه موقتهدا سهدر ب رێیا فشارا لایهنگرێن خوه و ئهنجامدانا خونیشادانان داخازا گهلهك گوهۆڕینان دكهت وهك گوهۆڕینا سهرۆكایهتیێن پهرلهمان كو بێ گومانه پیلانهك ل پشت ڤێ داخوازیێن رهوتا وی ههیه و ههر وی ژی نهبوو عێراقهكا ئێكگرتی یه، بهلێ یا ل ڤێره پێدڤیه سهركردایهتیا سیاسی یا كوردی مفای ژ ڤێ ههڤڕكیا سونه و شیعان وهرگریت و راسته راست رهفتارێ ل گهل ڤێ قوَناغا نازك بكهت كو ئێكهم جار ناڤ مالا خوه بكهته ئێك و رێكبێخیت و پاشان هاولاتییان ب رێیا ریفراندوَمێ سهرپششك بكهت كانێ وان دڤێت ل گهل عێراقهكا ههرفی د دیرۆكێ دا بژین، یان ب سهربهخوَ كو بێ گومانه پشتی ژناڤچوونا رژێما سهدام و بهری هنگی ژی، چ جارهكێ وهك پێدڤی دهستههتدارێن عیراقێ نهشیاینه كێشه و داخوازیێن گهلێ خوه بجه بینن و تاكێ كورد ژی یێ د وێ باوهرێ دا كو وان نهڤێت ل گهل عیراقهكا ههرفی بژین، لهوما دهم هاتیه پارتێن سیاسی یێن كوردی ل سهر ئێك مێز روونن و ژڤانهكێ بۆ ریفراندوم و مافێ چارهنڤیساز دیار بكهن كو بێ گومانه دڤێت ب رێیا سازیێن راگههاندنێ خهلك پتر بهێته هشیاركرن و گرنگیا ریفراندومی ژ وان را بهێته گوتن داكو پتر ههستا وان یا نهتهوهیی و نیشتمانی بهرزتر ببیت.
ل ڤێره و د ڤێ قوَناغێ دا و بۆ سهركهفتنا ریفراندوما كوردستانێ پێدڤیه سهرۆك بارزانی پتر خوه ماندی بكهت ب تایبهت د ڤهگهراندن و ئاسایاكرنا رهوشا سیاسی یا كوردستانێ دا و پێكهاتنا گۆران و ڤهگهریانا وێ بۆ مێزا دانوستاندنێ و پێدڤیه گۆڕان جارهكادی ڤهگهریته پهرلهمانی ڤه و پهرلهمان دهست ب كار ببیتهڤه، دیسا پێدڤیه هێزا پێشمهرگهی بهێته رێكخستن ڤه و د چارچوڤهكێ ههڤگرتنی دا، دیسان رێكخستنا ئاسایشا كوردستانێ كو ئاژانسا پاراستن و زانیاریان د ناڤ دهزگهههكێ نیشتمانی دا ههڤبگرن، ئهڤ پێنگاڤه دڤێت ڤێ جارێ د پراكتیكی بن و ههر چ زوویه بهێنه ئهنجامدان داكو ڤێ جارێ بنگهههكێ پیلایی و تهڤگرتی بۆ كوردستانێ بهێته دروستكرن و چ دوژمن و نهحهزن نهشێن درزان بێخنه ناڤ رێزا مللهتێ كورد و بێ گومانه ب تایبهت د ڤێ قوناغێ دا ههموو جیهان و عیراق ب خوهژی ل وێ چهندێ
دگههیت كو ئێدی عیراق چ جار ب ئێكگرتی نامینیت و نهمایه و دڤێت عیراق ژی بگههته وێ باوهریێ كو ههرێمهكا سوونه و كوردستانهكا جودا و سهربخو ژعیراقێ دێ عیراق ژی تهنا بیت چونكه ددیرۆكێ دا ههر كێشه د ناڤبهرا پێكهاتێن عیراقێ ههبووینه و ب ئێك نهكرینه و فهره پشتی ئهنجامدانا ریفراندومێ ژی، سهكردایهتیا كوردی ل ئاستێ نێڤدهولهتی ب تایبهت ل گهل وهلاتێن زلهێز پتر پهیوهندیان بهێز بكهت داكو پرانیا ولاتێن جیهانێ دانپێدانێ ب ههرێمهكا سهربخو یا كوردستانێ بكهن و ل ناڤهندێن بریاردانێ ژی پشتهڤانی لێ بهێته كرن ب تایبهت ولاتێن ئهندام د نهتهوێن یهكگرتی دا كو دانپێدانێ ب ههرێمهكا سهربهخو یا كوردی بكهن و ئێدی كورد ژی ببنه خودان كیانهكێ سهربخو و هاولاتیێ وێ ژی رێیا خوه بزانیت كو راسته رهنگه د ماوێ چهند سالهكان دا روو ب رووی هندهك ئاستهنگیان ببین، بهلێ دێ نهچار بین ببیته خودان ئابوورهكا بهێز و كیانهكێ ئێكگرتی و ئێدی وهلاتیێن ههرێما كوردستانێ دێ ب تهنا و ئاشتی ژین و ژ باندوریا ههر لایهنهكێ دوور كهڤن.
