كورسى و مرن!
ههكه ئهم لێزڤڕینهكێ ل قۆناغێن دیرۆكا بزاڤا رزگاریخوازیا كوردى بكین، دێ بۆ مه دیاربت كو گهلهك ب كێمى، ههكه نهبێژین چو جاران نهبوویه كو سهكردهیێن كوردان ب خوهشى و رهزامهندیا خوه دهستپێشخهریهك دیرۆكى كربت و دهست ژ كوسیێ بهردابت. واته هینگێ دهست ژێ بهردایه، ههتا مرنێ سلاڤكریێ یان ژى ب دهستین دژمنان هاتینه ژناڤبرن!
ئهڤه ژى وێ چهندێ دیار دكت كو سهركردهیێن كوردان ئێشا كورسیكێ ههیه و چو جاران كهس بهرههڤنهبوویه پێخهمهت بهرژهوهندیا گشتى ئاشتیانه دهست ژێ بهردت. ئهڤه سهرهرایى بانگهوازیا سهركردهیێن كوردان، ب هندهك درووشمێن تهیسۆك كو وهسا رادگههینن، ئهو تنێ د خزمهتا گهل وهلاتێ خوه دا خهباتێ دكن، ههر دهمێ گهلێ كورد ئهو نهڤیان رهتبكن، ههر زوو دێ دهست ژ كورسیێ بهردن و ل سهر دلێ وان ترش نابن.
ههكه تنێ ئهم دهڤهرهكا وهك ههرێما كوردستانێ بكین نموونه، دێ بینین ئهڤه نێزیكى 27 سالان ب سهر سهرهلدانا دیرۆكى یا ڤێ دهڤهرا نه وهك چو دهڤهرێن جیهانێڤه دهرباز بوون، بۆ ههمیان ئاشكرایه كو ههمان سهرۆكێن وان پارتێن كوردستانینه، ئهوێن بهریا سهرهلدانێ و پشتى هینگێ سهركێشییا حزبێن خوه دكن و چو جاران ژى دهستپێشخهریا گوههرتنێن گهوههرى د كۆنفرانسێن خوه و د كۆمبوونێن خوه دا باس نهكریه و ههر دهم ئهندامێن رهخوروویێن وان ژى ل دووڤ قیهمێن خوه یێن ههرهمى ئهو وهك سیمبۆلێن پیرۆز دیتینه و چو ئهندامێن پله بلندێن وان ئهو وێرهكى نهدایه خوه، ڤێ داخوازیێ بكن یان ب كێمى پێشنیار بكن! ئهڤ سهرهرایى گهنیبوونا وان سهركردهیان ل بهر چاڤێن خهلكهكێ هشیارى و ئیرادهیا گوهۆرینان ل جهم وان گهشه نهكرى.
ئهڤ ساخلهتا ل جهم سهركردهیێن پرانیا حزبێن كوردى ههیى، بیرا خوهپێڤهگرێدانا سهددام حسێنى ب كورسییڤه ل بیرا من دهینت، دهمێ خوهدیێن ڤان حزبان د قۆناغا پێشمهرگهیێ دا بهرى سالا 1991 هێرش دكرێ و بۆ خهلكى دیار دكر كو سهددام دكتاتۆره و چو جاران ل بهر نینه كورسیێ بهردهت؛ ههكه ب تۆپزى نهبت! پرسیار ئهوه: كیژان حزبا كوردى، جارهكێ ژ جاران دهستپێشخهرى كریه د بهرژوهندیا گشتى دا دهست ژ كورسیێ، ههتا بۆ كوڕهكى خوه یێن برایهكێ خوه ژى بهردهت؛ هێشتا دۆرا خهلكهكى دى نههاتى؟!
ههكه مرۆڤ ب وژدان باخڤت، خوه ههتا حزب و ئالیێن سیاسى یێن ئیراقا پشتى ژناڤچوونا سهددامى ژى بهتر رۆحا دیمۆكراسیێ ژ حزبێن ههرێمێ ل جهم ههیه، ئهمێ دبینێن كو گهلهكا ژ وان خوه ب كورسیێڤه نهگرێدایه، ههكه خوه شكلى ژى بن، بهردهوام دهێنه گوهۆڕتن و حزبێن نوو ددامهزرینن. ههتا لێڤهگهڕین (مرجعێن) دینى ژى نه دبهرههڤن كو پایهیێن بلند د حوكمداریا ئیراقێ دا وهربگرن، بههرا پتر ئهندامێن خودان شیانێن حزبێن خوه تهكلیف دكن و ئهو كارێ خوه یێ مهرجهعى دكن، مه ههمیان حوكمداریا ((ئیبراهیم ئهلجهعفهرى))، ((نوورى ئهلمالكى)) و دووماهیا نه دوماهى (حهیدهر ئهلعهبادى) ل بیرێیه.
گهلۆ ما ههكه سهركێشین حزبێن مهژى ڤێ پێنگاڤێ بهاڤێژن و كورسیێ رادهستى كهسانێن خودان شیان یێن حزبێن خوه بكن بهرى پیر و چرچ ببن و ژ كاربكهڤن و بمرن، پتر شهعبیهتا خوه نابت و د چاڤێن خهلكى دا مهزن نابن؟ بۆچى سهرۆكێن حزبێن مه هینگێ كورسیێ بهێلن ههتا كۆرسی وان دهێلت و دمرن؟! پرسیارهكه ئاراستهى ههمیانه.
