كوريا باكوور دێ هه‌ستيێن هزار و 500 ئه‌مريكيان هنێريته وه‌لاتێ وان
ئه‌ڤرۆ نيوز، فاتما مزوورى:
وه‌كو پێنگاڤا ئێكێ يا رێكه‌فتنا د ناڤبه‌را وانشنتۆن و بيونگيانگێ دا، وه‌لاتێ كوريا باكوور ده‌ست ب راده‌ستكرنا هه‌ستيێن وان له‌شكرێن ئه‌مريكى كر يێن ته‌رمێن وان ل شه‌رێ د ناڤبه‌را ئه‌مريكا و كوريا باكوور دا مايه ل وى وه‌لاتى.
دونالد تره‌مپ د به‌رنامه‌كێ تله‌ڤزيۆنى يێ كه‌نالێ فوكس يێ ئه‌مريكى راگه‌هاند كو ئه‌و كۆمبوونا ل گه‌ل كيم بۆ به‌رهه‌ڤكرنا ئاشتى و ئه‌منيه‌تێ يه ل جيهانێ.
دا زانين ژى كو پشتى كۆمبوونا وى ل گه‌ل كيم جونگ ئۆن، وه‌لاتێ كوريا باكوور ده‌ست ب راده‌ستكرنا هه‌ستيێن له‌شكرێن ئه‌مريكى كريه يێن ته‌رمێن وان ل شه‌رێ د ناڤبه‌را هه‌ردو وه‌لاتان دا مايه ل كوريا.
تره‌مپ ده‌رباره‌يى سلاڤكرنا ل هه‌مبه‌ر جه‌نراله‌كێ كوريا باكوور گۆت: “د روونشتنا مه دا كيم گۆت كو ئه‌و شاند ب درێژاهيا شه‌ڤێ نه‌نڤستينه و چاڤه‌رێ روونشتنێ بوون، من ژى رێزا خوه نيشا وان دا”.
د شه‌رێ د ناڤبه‌را ئه‌مريكا و كوريا باكوور دا، ل سالا 1095 هه‌تا 1953ێ پشتى ئاگربه‌ستێ چو رێكه‌فتنێن ئاشتيێ نه‌هاتينه كرن و هه‌تا نوكه ته‌رمێن له‌شكرێن ئه‌مريكى ژى نه‌هاتينه راده‌ستكرن كو نێزيكى هزار و 500 ته‌رمانه و ل كوريا باكوور ماينه.
