كورێ شههیدێ پێشهوا قازى محهمهد بۆ ئهڤرۆ:
كورێ شههیدێ پێشهوا قازى محهمهد بۆ ئهڤرۆ:
ئهڤ جاره 100% سهركهفتن دێ بهر مللهتێ كورد كهڤیت
عهلى قازى كورێ شههیدێ پێشهوا قازى محهمهد چهند رۆژه مێهڤانێ باژێرێ دهۆكێ یه، د ههڤدیتنهكێ دا ل گهل رۆژناما ئهڤرۆ قازى بهحسێ رۆژێن كۆمارا كوردستان كر و دبهرسڤا ههر پرسهكێ دا ب دلهكێ بهرفرهه و پتر هیڤى و ئۆمێد دگۆت: ئهڤجاره كورد دێ گههنه مافێن خوه و دێ سهربهخۆیێ ب دهستڤهئینن، دهولهتا كورستانێ دێ هێته دروستكرن
دهم یێ گونجایه و باشترین دهلیڤهیه كورد ب مافێن خوه و دهولهتبوونێ شادبیت.
عهلى قازى ئهو ژى گۆت: جهنابێ مهلا مستهفا ل سهر دهمێ كۆمارا كوردستان هاته دهف شههیدێ پێشهوا قازى محهمهد گۆتێ وهره بچینه ههر چیایهكێ كوردستانێ تو سهرۆكێ كۆمارێ و ئهز پێشمهرگه و مهلا مستهفا گهلهك ڤیا بابێ من گهل بچیت، لێ بابێ من گۆتێ رۆژێن خوهش ل گهل ڤى مللهتى بووم و دێ رۆژێن نهخۆش ژى ههر ل گهل ڤى مللهتى بم و ژ بهر كو دا زیان ب گهلێ كورد نه كهڤیت بابێ من یێ بهرههڤ نهبوو مهاباد ب جه بێلیت، گۆت زانم 100% دێ هێمه كوشتن، لێ كوشتنا من دێ بیته هۆكار گهلهك زیان ب خهلكێ مه نهكهڤیت و ئالایهكێ كوردستانێ ل سهر مێزا بابێ من بوو و بابێ من ئهو ئالایه رادهستى خودێ ژێ رازى مهلا مستهفایى كر و گۆتێ ئهڤه ئالایێ كوردستانێ من رادهستى تهكر و ب هیڤى مه رۆژهكێ ئهڤ ئالایه ل سهر چیایێ كوردستانێ دێ بلند بیت، وهك بابێ من پێشبینى كرى نوكه كاك (مهسعود بارزانى) سهرۆكێ ههموو نهتهوا كورده و ئالایێ كوردستانێ ل ههموو جهێن كوردستانێ یێ بلنده و ههر كوردهك ئهڤى ئالایى ب ئالایێ خوه نیاسیت و ئهڤه ئهو ئالایه ئهو ئالایێ بابێ من سیند پێ خوارى.
قازى ئهو ژى گۆت: كوردان گهلهك قوربانى داینه بۆ رێیا ئازادیێ بۆ سهربخوهیێ و بهردهوام د خهباتێ دایه سهخمهراتى بهنا سهربخوهیێ ب ههلكێشت و ئێدى بن دهست نهمینت، ب هیڤى مه ئهڤ جاره 100% سهركهفتن دێ بهر مللهتێ كورد كهڤیت و دهولهتا كورستانێ دێ هێته دروستكرن و كورد دێ بنه فاكتهرهكێ ههره ب هێز ل دهڤهرێ و ل رۆژههلاتا ناڤین.
عهلى قازى كوردێ شههید پێشهوا قازى محهمهد ئهو ژى گۆت: 74 سال دهربازدبن ل سهر دروستبوونا كۆمارا كوردستان و ههلبهت ئهو سهردهم ژى گهلهكێ زێرین بۆ د دیرۆكا مللهتێ كورد دا و كورد بۆ جارا ئێكێ بوونه خودانێن دهولهتێ و خودان حوكمهت و ئهوا بخوه خوه برێڤهدبر، دبینم ئهڤ جاره دێ پشتراست بم دى دهولهتا كوردستانێ دروست بیت.
خهلكێ كوردستانێ ب گشتى ب ههموو پێك هات و نهتهوێن وێ ڤه تهنیێن ئازادیێ نه ب درێژاهیا یا دیرۆكى خهبات كرینه شههید داینه و بهردهوام بووینه ههتا ئهڤرۆ نه راوستاینه و ناراوستن و گومان نینه ئهڤ خهبات و خوین و شههیده ههموو بێ بهرامبهر نینه و ئهڤ جاره دێ كورد گهههن مافێن خوه ل باشۆرێ كوردستانێ.
عهلى قازى نه ڤهشارت و گۆت: ریفراندۆم مافهكێ مللهتێ كورده و كهسهك چ خێران ل گهل ناكهت و ئهگهر مللهتێ كورد ئێك بیت كهسهك نهشێت چ زیانێ بگههینتێ و دێ ریفراندۆم بسهركهڤیت و ئهڤان قووناغا ههموویان دێ دهربازكهت، هێشتا گۆت: گومان نینه ئهڤ وهلاتێن داگیركهر وهك توركیا و ئیران بهرامبهر ریفراندۆمێ ههلویستێن خوه راگههاندینه كو دژى ئهڤێ پێنگاڤا دیرۆكى نه، لێ دبێژم ب تنێ ئهگهر پارتێن باشۆرێ كوردستانێ ئێك دهست و ئێك ههلویست بن، ئهڤ وهلاته نهشێن بهرامبهر ئیرادا ڤى مللهتى ب راوستن و دێ مللهتێ مه ب دهولهتبوونا خوه شادبیت.
كورێ شههید پێشهوا قازى محمهد عهلى قازى گۆت: ههرد هم من دو هیڤى ههبوون كو بهرى بمرم بینم، ئێك شهرێ براكوژى نهمینت و دیسا سهربهخۆیا كوردستانێ ژى و ئهڤ جاره ژى ب هیڤى مه كو ئهڤ جاره دێ كورد مافێ خوه وهرگرن و كهسهك نهشێت رێگریێ ل مللهتێ كورد بكهت و دێ مللهت بسهر كهڤیت.
عهلى قازى ئهو ژى گۆت: وهك جهنابێ سهرۆك بارزانى فهرموویى كو چ وهلاتان دژاتیا خوه بۆ ریفرانۆمێ دیارنهكرینه و ب تنێ تێبینى ل سهر وێ چهندێ یه كو نوكه دهم نهیێ گهنجایه ژ بهر شهرێ داعش، لێ دبێژینێ كهنگى دهم دێ یێ گونجایى بیت؟، بهلێ دهم یێ گونجایه و باشترین دهلیڤهیه كورد ب مافێن خوه و دهولهتبوونێ شادبیت.
ل دووماهیێ كوردێ شههیدێ پێشهوا قازى محهمهد، عهلى قازى بهحسێ رۆژێن دیرۆكى یێن بابێ خوه كر و تایبهت دهمێ هاتیه سێدارهدان گۆت: دهمێ بابێ من بریه سێدارێ وى گۆت: كوردان محهمهدهك نینه كو دێ هێته ل سێدارهدان، بهلكو ب هزار محهمهد دێ دروست بن و دێ خهباتێ بۆ سهربخوهیى و ئازادیا مللهتێ كورد خهباتێ كهن و ب گۆتنا بژیت كورد و بژیت كوردستان بابێ من هاته شههیدكرن، ب هیڤینه ههموو پارچێن كوردستانێ مللهتێ كورد بگههیته ههموو هیڤى و ئۆمێدێن خوه و ب دهولهتبوونێ شادببن.
