كورێ شه‌هیدەکێ مالا خوه دكه‌ته موزه‌خانه بۆ بیرهاتنێن شه‌هیدا
ئه‌ڤرۆ نیۆز ، ره‌مه‌زان هه‌رنى :
كورێ جینوسایدكریه‌كێ بارزانی ل ده‌ڤه‌را بارزان ژبه‌ر ڤیانا وى بۆ شه‌هیدێن پێشمه‌رگه و جینوسایدكریێن كورد مالا خوه دكه‌ته موزه‌خانه و بیرهاتنێن شه‌هیدا لێ داناینه.
رێبوار ره‌مه‌زان ئه‌و كوره شه‌هیدێ مالا خوه كریه موزه‌خانه بۆ بیرهاتنێن شه‌هیدا بۆ ئه‌ڤرۆ نیۆز دیاركر ، من ب فه‌ر زانى كو پەرتوكخانه‌یا مالا خوه بكه‌م موزه‌خانه‌یه‌كا تایبه‌ت ب كه‌ره‌سته و كه‌ل و په‌لێن شه‌هیدێن شه‌رێ داعش و جینوساید كریان،چه‌ندین ساله رۆژانه قوتابى و ڤه‌كوله‌ر و روژنامه‌ڤان و مێژونڤیس سه‌ره‌دانا پەرتوكخانه‌یا من دكه‌ن ل مال ب مه‌به‌ستا ب ده‌ست ڤه‌ئینانا پێزانینا بۆ ڤه‌كولینێن زانكویێ هه‌تا دارشتنا ڤه‌كولینا ژى ل گه‌ل قوتابیان پشكدار و هاریكار بوویمە.
ناڤبرى ته‌كه‌ز كر ، هه‌تا نوكه پتر ژ 76 قوتابیێن په‌یمانگه‌ه و زانكویێن كوردستانێ بۆ مه‌به‌ستا ڤه‌كولینێن خوه مفا ژ وێ پەرتوكخانه‌یێ دیتیه ل زاخو هه‌تا هه‌له‌بجە و قوتابێن هه‌ولێر , دهوك , سلێمانى ,كه‌ركوك , رانیه , كویه, هه‌له‌بچه, زاخۆ ,سوران ,پیرمان , بارزان , ده‌رڤه‌ى كوردستانێ.من به‌رنامه و ژێده‌ر به‌خشینه لسه‌ر جینوساید و كومكوژیێ و شه‌هیدا تایبه‌ت جینوسایدا هه‌شت هزار بارزانیا ل گه‌ل پتر ژ پێنچ 5 هزار ژێده‌رێن هه‌مه جور هه‌نه ب ره‌نگێ پەرتوك و سى دى و پێ دى ئێف،پتر ژ 40 هزار به‌لگه‌و دكیومێنتێن تایبه‌ت دژى مروڤایه‌تیێ ، ل گه‌ل 6 هزار وێنه‌یێن تایبه‌ت ئه‌وێن تاوان دژى مروڤایه‌تیێ هاتیه ئه‌نجام دان.
رێبوار ئاشكرا كر ژی، ژبه‌ر ڤیانا من بۆ شه‌هیدێن شه‌رێ داعش و حه‌شدا شه‌عبى و جینوسایدێن گه‌لێ كورد من بریار دا پەرتوكخانه‌یا خوه بكه‌م موزه‌خانه‌یه‌ك بۆ شه‌هیدا و رۆژانه دێ كارێن وێ به‌فره‌هتر لێ كه‌م هه‌تا دبیته مه‌زنترین موزه‌خانه.
نڤیسه‌رى 12 به‌رهه‌مێن چاپكرى هه‌نه لسه‌ر جینوسایدێن كوردى چه‌ندین ڤه‌كولین كرینه لسه‌ر وارێن جودا دا.
هەروەسا ئەو نڤیسه‌ر ژی كورهێ جینوسایدكریه‌كێ بارزانێ یە و رێڤه‌به‌رێ شه‌هیدان و ئه‌نفالكریانه ل بارزان.
