كوشتنا بهغدادی شێلی و جهێ گومانێ یه
نزار مهجید
مانشیت
(سهربازێن مارینز د ئۆپهراسیۆنهك دو دهمژمێری دا مهزنترین تیرۆرست كوشت)
ههر چهنده سهرۆكێ ویلایهتێن ئهمریكا وهكه مرۆڤێن بێ هۆش داخۆیانی دان و دگۆت مه د ئۆپهراسیۆنهكا تایبهت یا هێزێن مارینز دا ل ئیدلب رۆژههلاتێ سووریێ كو دكهڤته سهر سنۆرێ توركیا، بهغدادیێ خهلیفێ داعش كوشتیه.
ئهڤه رۆنكرنا ترهمپی بوو دهربارهیی بهغدادی:
٭سهربازێن مارینز د ئۆپهراسیۆنهك دو دهمژمێری دا مهزنترین تیرۆرست كوشت.
٭توركیا و رۆسیا هێزێن كوردی و ههسهدێ هاریكاریا مه كر بۆ كوشتنا بهغدادی.
٭نهتوركیا و نهرۆسیا های ژ پلانا مهنه بۆ هێرشا سهربازی ل سهر بهغدادی نهبوو.
٭بهغدادی خوه ل گهل چهند كهس و زارۆیان خوه كوشتیه.
٭داعش ب دووماهیك هات، چونكو مه مهزنێ وان كوشت جیهان ههمی كهیف خوهشه.
ل ڤێرێ چ دبت جهێ گومانێ؟
تۆمارێن ئۆپهراسیۆنێ دیارنینن، جهنازه ئانكو لاشێ بهغدادی ب دروستی نههاتیه نیشادان، ههوالگیریا ئهمریكا نهپشكنینا (DNA)نه دهمێ هێرشكرنێ چ نیشان نهدا و چ داوخۆیانی نهدان، ههكه ل بیرا وه بت دیمهنێن كوشتنا ئوسامه بن لادنی و یێن سهدام حسێن و عودده و قوسهى كورێن سهددامی چاوا ب بهلگه و دكیۆمێنت نیشدان، یا پتر دبته جهێ هندهك عهرهب ب زمانێ سووری ل سهر وان لهشێن دیار دپهیڤن و تۆماردكن، دبێژن ئهڤه هاتینه ب رهشاشێن ئهمریكی، باشه چاوا هێزا مارینز ئۆپهراسیۆنهكا هنده گرنگ و ههستیار بۆ ئهمریكا و ههمی جیهانێ بهێلیت هندهك كهسێن نهنیاس چهكدار ب كلاشینكۆفێ ل سهر لاشێ بهغدادی ب دلێ خوه تۆمارا ڤیدیۆیێ ب مۆبایلێ بكن و تهكبیران ددن؟ بۆچی لاشێ وی و قهت و پرتێن وی نههاتنه رهوانهكرن بۆ ئهمریكا؟!
