كوشتێن حوكمه‌تا عه‌بادی چ جاران ناگه‌هنه یێن داعشێ
بیرا من دهێت ل زارۆكینیی دایكوبابێن مه بوو مه ڤه دگێران وه‌ك چیرۆكان كو هه‌تا نوكه چه‌ند شاند ژ كوردستانێ به‌ر ب به‌غدا چووینه، هیڤێن چاكبوون و نێزیك بوونێ دلی دا دگه‌شت بوون و چاڤ هه‌ر ل به‌غدا بوون و دانا مافێن ملله‌تێ كورد، هه‌تا دكتاتۆر ژی هاتیه رۆخاند، ئێدی مه گۆت هه‌ما كێشه ب دووماهی هات، لێ ئه‌و مێشی مه خوین ل گه‌ل درێت و قوربانی به‌رده‌وام دان هه‌موو بۆ ژیانه‌كا ساخله‌م و ژ مه‌ر دور نه‌كه‌فت بۆ مه دیار بوو كو عه‌ره‌ب هه‌ر ئێكتوخمه شیعه یان سونه و جوداهی نینه و هه‌ر ئه‌و مێشك زڤری ڤه و دواز ده‌سال بوورین و چه‌ندین حوكمه‌ت عیراقێ هاتنه گوهۆرین و پرتیا حوكمه‌تێن پشتی 2003 شیعه‌بوون كو مه دگوت شیعه مه‌زلۆمن وه‌ك مه كوردان و ب تنێ ده‌ستهه‌لاتێ وه‌رگرتن كو پتری نه ل عیراقێ دێ مافێن ملله‌تێ كورد ده‌نێ، لێ ئه‌و به‌غدا مه ب پایته‌ختێ خوه دزانی و مالا هه‌موویان نه و ڤێت نه‌ڤێت خوه ل ئاریشێن هه‌موو پێكهاتان بكه‌ته خودان ئێدی نه‌ما و بوو جهێ كێشان و پیڤانێ، ئێدی ته‌هران بۆ جهێ بریار دانێ و رێیا به‌غدا بۆ هه‌ولێر گه‌له‌ك ژبه‌ری 2003 دوورتر كه‌فت و هه‌ر پێكهاته‌كێ عیراقێ ئێدی چاره و دیتنا چارا ب خوه ل وه‌لاته‌كێ دی دیت و ئه‌و جهێ د هزر و خه‌یالێن مه دا كو بیته جهێ چاره‌سه‌ریێ نه‌ما، كورد ب دابینكرنا پاریێ ژیانێ و خورتكرنا په‌یوه‌ندیا و قه‌ركرنا پاران بۆ دابینكرنا مووچێن فه‌رمانبه‌رێن خوه به‌ر ب سنۆران چوون و ئه‌و هیڤی ئێدی نه‌بتنێ ل ده‌ف سه‌ركرداتیا كوردی به‌لكو ل ده‌ف هه‌ر كورده‌كی نه‌مان و ب تنێ مانا دبلوماتكارێن كورد ل به‌غدا ل په‌رله‌مان و حوكمه‌تا به‌غدا تشته‌كێ زێده‌یه و دبینم هه‌كه خوه ب نوونه‌رێ خه‌لكی دزانن و خه‌لكی ده‌نگ دایێ كو چووینه وێرێ زڤرین گه‌له‌ك باشتره ژ مانێ، مووچه برین ژ زولما داعش دبینم گه‌له‌ك مه‌زنتره، چونكو برینا بۆدجێ خه‌لكێ كوردستانێ هه‌موو كوشتیه.
