كومێدیا نوكه ترانه‌پێكرن و شكاندنا هه‌ستانه
ئه‌ڤرۆ، هه‌رهین:
ره‌عه‌د سه‌عید به‌رپرسێ هونه‌رێ شانۆیێ ل سه‌ندیكا هونه‌رمه‌ندان ل زاخۆ د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیاركر نوكه ئه‌و مژوولی شانۆیه‌كێ یه كو دێ ل سه‌ر جادێ هێته نیشاندان، به‌لێ ژ به‌ر ڤان كاودانان وی بۆ ده‌مه‌كێ دی پاشخستیه.
ناڤهاتی گۆت: زارڤه‌كرن كه‌سایه‌تیا مرۆڤی ب هێز دكه‌ت و باوه‌ریا مرۆڤی بخوه زێده دكه‌ت و من گه‌له‌ك زه‌حمه‌ت و ره‌خنه ژ جڤاكی دیتینه ژپێخه‌مه‌ت زارڤه‌كرنێ و هونه‌ری و راسته هه‌تا نوكه ئه‌م نه‌شیاینه بینه‌رێ شانۆیێ چێكه‌ین ژ به‌ر گه‌له‌ك ئه‌گه‌ران و ئێك ژوان كێم بوونا كارێن شانۆیێ و نه‌بوونا هۆلێن شانویێ، یان نڤیسه‌ر و ده‌قێن شانۆیێ نین و ئه نه‌شیاینه ره‌وشه‌نبیریا شانۆیێ به‌لاڤكه‌ین د ناڤ خه‌لكی دا و ل هه‌موو وه‌لاتێن پێشكه‌فتی ل قوتابخانان گرنگیێ ب ب شانۆیێ دده‌ن، به‌لێ ل كوردستانێ چو گرنگی پێ ناهێته دان و كومێدیا مه بتنێ ترانه‌پێ كرنه و شكاندنا هه‌ستانه و هه‌ستێن ئێك و دو دشكێن و بتنێ دا خه‌لك پێ بكه‌ته كه‌نی، كومێدیا دروست دڤێت ب ئامانج بیت و ره‌خنه بیت و ب زانیت سه‌را چ بوو نه بتنێ بكه‌نه كه‌نی و پشتی ده‌ركه‌فتنێ نوزانن چ بابه‌ت بوو.
ل دووماهیێ ره‌عه‌دی گۆت: ل زاخۆ چ هولێن شانۆیێ نین بۆ نیشاندانا شانۆگه‌ریان، یان بۆ راهێنانان بتنێ ئێك هه‌یه ل كۆچكا هونه‌ری ئه‌وژی نه‌ل سه‌ر ئاستێ زانستی هاتیه چێكرن و مه چ مفا ژێ نه‌دیتیه و مه گه‌ك پێدڤی ب هۆلێن شانویێ هه‌یه و سیسته‌می ده‌نگی و روناهیێ یێ مودرێن د ناڤ دا هه‌بیت.
