كوڕێن زاخۆ دێ ب ناڤێ چار یانێن هه‌رێمێ پشكداری خوه‌لێكدانا ئیراقێ بن
ئه‌ڤرۆ،عه‌لی حاجی :
د داخویانیه‌كێدا سه‌روكێ ئێكه‌تیا خوه لێكدانا پارێزگه‌ها دهوكێ بۆ رۆژناما ئه‌ڤرۆ دیاركر كو كوڕێن باژێرێ زاخۆ دێ بشێوه‌كێ جودا پشكداری قاره‌مانیا ئیراقێ بن كو ب ناڤێ چار یانێن هه‌رێمێ كه‌ن ئه‌وا نوكه هه‌ڤڕكیێن وێ ل باژێرێ زاخۆ دهێنه كرن.
زێده‌تر ته‌ها ره‌مه‌زان گۆت: بریاره ئه‌ڤرۆ قاره‌مانیا ئیراقێ سه‌ر ئاستێ پێشكه‌فتیان بۆ یانێن ئیراقێ ل هۆلا گرتیا بنگه‌هێ لاوان باژێرێ زاخۆ بهێته كرن كو دێ لدیڤ سیسته‌مێ رۆمانی و خوه‌لێگدانا ئازاد بۆ ماوێ چار رۆژان به‌رده‌وامبیت، یا جهێ ده‌ستخووشیێ ژبه‌ركو مه رێژه‌كا باش یا یاریزانێن خودان شیان هه‌نه بریار هاتیه دان یاریزانێن زاخۆ بۆ چار یانێن جودا یێن هه‌رێمێ هه‌ڤڕكیێ بكه‌ن ئه‌وژی، زاخۆ، سێمێل، گاره و كه‌ركوك ئه‌ڤچه‌نده ژی ژبه‌ر وێ یه‌كێ كو چو یانێن هه‌رێما كوردستانێ پشكدار نه‌بووینه و ژبۆ دانانا سه‌نگێ هه‌رێما كوردستانێ د ئێكه‌تیا خوه‌لێكدانێ دا ئه‌ڤ پێنگاڤه هاتیه هاتیه هاڤێتن.
هه‌روه‌سان ناڤهاتی گوت: ئه‌ڤ قاره‌مانیه تایبه‌تمه‌ندیا خوه هه‌یه و ئێك ژ ب هێزترین و گرنگترین قاره‌مانیێن ئیراقێ بۆ یاریا خوه‌لێكدانێ یه تایبه‌ت ژبه‌ر هه‌بوونا بهێزترین یانێن ئیراقێ و به‌رهه‌ڤیێن وان بۆ ئینانا پیشه‌كارێن خودان شیان ، لێ من باوه‌ری ب یاریزانێن كورد و خه‌لكێ زاخۆ هه‌یه كو دێ شێن باشترین ئه‌نجام ب ده‌ستخوه‌ڤه ئینن و هه‌بوونا قاره‌مانیێ ل باژێرێ خوه دێ ب ده‌لیڤه ژی بینن.
