كوڕێ حه‌سه‌ن جزیری حه‌زدكه‌ت ڤه‌گه‌ریت كوردستانێ
ئه‌ڤرۆ، سالار محه‌مه‌د دۆسكی:
هونه‌رمه‌ندێ مه‌زنێ كورد حه‌سه‌نێ جزیری سێ زارۆك ل پشت خوه هێلاینه، دو كچ و كوڕه‌ك، فه‌لاح كوڕێ حه‌سه‌نێ جزیری بابێ حه‌فت زارۆكانه دو كوڕ و پێنچ كچ نوكه ئاكنجیێ باژێرێ به‌غدایه.
فه‌لاح حه‌سه‌ن جزیری، ژدایك بوویێ 1966 بۆ رۆژناما ئه‌ڤرۆ گۆت: پتر ژ 30 سالانه ل به‌غدا دژیم، ده‌یكا من سوعاد ئه‌وێژی وه‌غه‌ركریه و ل به‌غدا هاتیه ڤه‌شارتن، گه‌له‌ك بزاڤ من كرن ڤه‌گه‌رمه كوردستانێ ناف كه‌س و كار و مرۆڤێن خوه لێ كاودان هاریكار نینن، گرنگه سازیێن هونه‌ری و حوكمه‌ت هاریكاربن ل گه‌ل خێزانا حه‌سه‌نێ جزیری دا بێن ڤه‌گه‌رینه كوردستانێ و ل دهۆكێ ئاكنجی بین.
هه‌ر هه‌موو سترانێن بابێ من هاتینه به‌لاڤه‌كرن و خه‌لكێ زور هه‌بوو حه‌زا ده‌نگێ وی هه‌بوو و پتریا سترانێن خوه ل ئێزگێ كوردی ل به‌غدا گۆتینه و پشكداری ئاهه‌نگا كرینه.
فه‌لاحی ئه‌و ژی گۆت: مه پێ خوش بوو حوكمه‌تا كوردستانێ هوله‌ك یان جاده‌ك بناڤێ حه‌سه‌نێ جزیری دروستكربا دا هه‌ست ب خوه‌شیێ كه‌ین و دا زانین كو بابێ مه ژی خزمه‌تا هونه‌ر و سترانا كوردی كریه و ماندیبوونا وی ل به‌ر ئاڤێ دا نه‌چوون.
هێشتا گۆت: ده‌مێ هونه‌مه‌ند شڤان په‌روه‌ر ژی هاتیه كوردستانێ سه‌ره‌دانا گورستانا زاخو كربوو و چوو بوو سه‌ر زیاره‌تێ بابێ من، دیسا دو جاران ژی من سه‌ره‌دانا كوردستانێ و باژێرێ زاخۆ كریه.
گۆتژی: بنه‌مالا مه چ كه‌س نه‌بووینه سترانبێژ پشتی بابێ من به‌لكو پتریا زارۆكێن ل به‌غدا مه‌زن بووینه و هه‌ر زمانێ كوردی نوزانن له‌وما بۆ پاراستنا كه‌لتور و زمانێ خوه‌یێ كوردی و شرین و هكه پشته‌ڤانیا مه بهێته‌كرن یێ به‌رهه‌ڤم ڤه‌گه‌رمه كوردستانێ.
