كچه‌كا ئێزدی د كه‌مپا هۆلی دا هاته رزگاركرن
دهۆك، له‌زگین جوقی:
كچه‌كا ئێزدی دژیێ 11 سالیێ دا دگه‌ل ژنه‌كا تیرۆرستێن داعش ل ناڤ كه‌مپا هۆلی دا هاته رزگاركرن.
خالد ته‌علو قائێدی، مامێ وێ كچا ئێزدی یا كه‌مپا هۆلی دا هاتیه رزگاركرن دیاركركو پشتی هنده‌ك پیزانیێن گه‌هشتنه مه ب هه‌ڤكاریا هنده‌ك خێرخوازان و مالا ئێزدیان مه شیا كچا خوه یا 11 سالیێ ب ناڤێ (مه‌له‌ك سه‌عید) ژبن ده‌ستێ خێزانه‌كا تیرۆرستێن داعش ل ناڤ كه‌مپا هۆلی دا رزگاربكه‌ین نها ل مالا ئێزدیان دایه رۆژئاڤایێ كوردستانێ ئه‌م چاڤه‌رینه بۆ مه بهێته ره‌وانه‌كرن دشه‌ره‌كێ دا ئه‌ڤ كچا 11 سالیێ برینداربوویه دگه‌ل تیرۆرستێن داعش.
ئاشكه‌را كركو ل جینوسایدا شنگال 19 كه‌س ژ مالباتا مه هاتبوونه گرتن و ره‌ڤاندن هه‌تا نوكه 12 كه‌س ژی رزگاربووینه ومه پێزانیێن هه‌نه دوو دی ژ مالا مه یێن هاتینه ره‌ڤاندن ل شه‌ری هه‌جین هاتیه كوشتن هه‌تا نوكه چاره‌نڤیسی پێنچ كه‌سێن دی ل مالباتا مه دیارنینه.
