كچه‌كا زاخۆ كاپتنا هه‌لبژارتیێ تازه‌پێگه‌هشیێن ئیراقێ یه
زنار تۆڤی:
مەروە چیان ئیحسان یاریزان و کاپتنا هەلبژارتییێ تازه‌پێگەهشتییێن ئیراقێ بۆ یاریا تەپاپێی ل سه‌ر ئاستێ كچان سوپاسیا دایک و بابێن خوه دکەت كو هاریكاربووین دگەل وێ و پشتەڤانێن وێ بوون کو وه‌رزشێ بکەت تایبەت ژی دایكا وێ.
ناڤهاتی د دیاره‌كێ دا بۆ رۆژنامه‌یا ئه‌ڤرۆ گۆت: چونکی هەر ژ زارۆکینییا خوه دایکا من دگەل من بوو وێ رێک دامن بچمە ناڤ جیهانا وەرزشی دا و یارییا تەپاپێی بکەم، د ژییێ نەھ سالییێ دا من حەزژێکرنەکا مەزن بۆ تەپاپێی هەبوو، ل وی دەمی من دەستپێکر و هەتا نوكه یا بەردەوامم، ئەڤ سالە من یاری بۆ هەلبژارتییێ تازه‌پێگەهشتیێن ئیراقێ کر و ل سالا بهێت دێ پشکدارییێ د چەندین قارەمانییان دا کەین و ئەم ب هیڤینە خەلاتێن وان قارەمانییان ب دەستڤە بینین.
هەروەسا گۆت ژی: گەلەکا كەیفخوه‌شم کو وەکو کچەکا کورد خەلکا باژێرێ زاخۆ بوویمە کاپتنا هەلبژارتییێ تازه‌پێگەهشتییێن ئێراقێ و ئەڤە جهێ شانازییێ یه بۆ خەلکێ زاخۆ و كوردستانێ ژی، نوکە ژی ئەز یارییێ بۆ یانه‌یا ئەلبەده‌ییر یا ئێراقی دکەم د ژیێ 17 سالییێ دامە و هیڤییا وێ ئەوە یاریێ بۆ هەلبژارتیێ کچێن ئیراقێ یا پێشكه‌فتیان بکەم.
