كچه‌كێ ل به‌ره خوارنگه‌هه‌كێ ڤه‌كه‌ت
دهۆك، شاكر ئه‌تروشی:
كچه‌كا خه‌لكا دهۆكێ، پرۆژه‌كێ بچووك ڤه‌كریه و ده‌لیڤا كاری بۆ شه‌ش كچان په‌یداكریه و د پلانا وێ دایه پرۆژه‌ێ خوه به‌رفره‌هتر لێ بكه‌ت.
دلپاك محه‌مه‌د یوسف، ل دۆر پرۆژێ خوه بۆ رۆژناما ئه‌ڤرۆ گۆت: ئه‌ز ماموستا زمانێ ئنگلیزی بووم، من كار ل گه‌ل رێكخراوه‌كێ دكر، پشتی من شیای گۆژمه‌كێ پاره‌ی لێكده‌م من هزر دوێ چه‌ندێ دا كر كو جهه‌كی بۆ چێكرنا خوارنێن سڤك و ساخله‌م ڤه‌كه‌م، له‌ورا من ده‌ستپێكر و نوكه شه‌ش كچ ل گه‌ل من كاردكه‌ن، كارێ مه یێ رۆژانه ئه‌وه دێ په‌یوه‌ندی بۆ مه هێن و داخوازا جۆرێن خوارنان كه‌ن، هه‌لبه‌ت خوارنێن مه ژی كوردی و ئیتالی و هندی نه و پتریا كه‌رستێن ئه‌م بكاردئینین خۆمالی نه و ئه‌م یێ بزاڤێ دكه‌ین هه‌موو كه‌رستێن مه 100% ببنه خۆمالی، بۆ زانین خوارنێن ئه‌م چێدكه‌ین هه‌موو دساخله‌م و بێ زیانن، چنكو پتریا كه‌رستێن مه ژوانا زه‌یت تایبه‌ت بۆمه دهێن و ئه‌م یا بازاری بكار نا ئینین.
هه‌روه‌سا گۆت: وه‌ك هزر بۆ پاشه‌رۆژێ مه ل به‌ره جهێ خوه به‌رفره‌هتر لێ بكه‌ین، ئانكو وه‌كو خوارنگه‌هه‌كا بچووك ڤه‌كه‌ین دا خه‌لكه‌ك بهێت خوارنێ لێ بخۆن، چنكو هه‌تا نوكه خوارنێن مه بتنێ دهێنه ڤه‌گوهاستن، ئانكو به‌س ب شێوێ دلێڤه‌ری نه و من ل به‌ره بچمه زانكۆیه‌كێ تایبه‌ت ل سه‌ر شێوێ چێكرنا خوارنان بخوینم
