كچێن سەنحاریب دەربازبوونە خولا نایابا ئیراقێ
تیما ڤۆلی بۆلا یانەیا سەنحاریب پلێتا دەربازبوونێ بۆ خولا پلا نایابا ئیراقێ ب دەستڤە ئینا پشتی شیاین د هەڤڕكیێن كۆما ئێكێ دا چار سەركەڤتنان ل دووڤ ئێك بینن وەكو سەركێشا كۆما خوە بهێن، د هەڤڕكیێن خولا پلا ئێكا ئیراقێ ل سەر ئاستێ كچان دا ئەوا دوهی ل هەلەبچەیا شەهید ب پشكدارییا 10 یانەیان هاتینە كرن.
د كۆما ئێكێ دا ئەوا پێنچ یانە پشكداربوون هەر ئێك ژ یانەیێن، سەنحاریب، ئەفرۆدێت و دەربەندیخان دەربازبوون، د كۆما دویێ دا قەرەقۆس، ئەكاد عەنكاوە و ئەمانەت بەغدا پلێتا دەربازبوونێ وەرگرتن، ئەوا بڕیارە هەڤڕكیێن قۆناغا دووماهیێ یا خولا پلا ئێك ل 17ێ مەها بهێت هەولێرا پایتەخت مێڤاندارییا وێ بكەت.
لدۆر ڤێ یەكێ د. هەكار برقی ڕاهێنەرێ تیما سەنحاریب بۆ رۆژنامەیا ئەڤرۆ گۆت: دەستخوەشیێ ل هەموو یاریزانێن خوە دكەین كو شیان بگەهنە ڤێ قۆناغێ و بێ خوسارەتی پاپۆرا مە ب سەرفەرازی ب گەهینە كەنارێ نایابا ئیراقێ، مە قۆناغەكا مەزن دەربازكر و قۆناغەكا دی یا مەزن مایە، ئەوژی شەڕەكێ دییە بۆ ناسناڤێ پلا ئێك، لەوما ژی د ماوەیێ بهێت دا دێ پلا و بەرنامەیێن مە ب پشتەڤانییا كارگێرییا یانەیێ ئەو بیت چاوانییا سەركەڤتنێ د هەر یارییەكێ دا.
بۆ زانین دوهی ل پارێزگەها هەلەبچەیا شەهید دەست ب هەڤڕكییان هاتییە كرن ئەو ب پشكدارییا 10 یانەیان و هاتینە بەلاڤكرن ل سەر دو كۆمان، كۆما ئێكێ پێكهاتیە ژ، ئەكاد، قەرەقۆش، ئەمانەت بەغدا، موعەلمین، تەق تەق، كۆما دویێ پێكهاتییە ژ، سەنحاریب، ئەفرۆدێت، دەربەندیخان، هەلەبچە و شۆرجە، سێ تیم ژ هەر كۆمەكێ دێ دەربازبنە خولا پلا نایابا ئیراقێ و بڕیارە پشتی بۆرینا مەهەكی خولا نایاب ژی بهێتە كرن.
