كچێن سەنحاریب نوونەرێن پارێزگەهێ نە د خولا باسكێت بۆلا ئیراقێ دا
بڕیارە سوبەهی پێنج شەمبی خولا پلا نایابا باسكێت بۆلا ئیراقێ ل سەر ئاستێ كچان بۆ تازەپێگەهشتییان ل باژێرێ سلێمانیێ بهێتە ئەنجامدان، ئەوا دهێتە چاڤەڕێ كرن 10 یانەیێن ئیراقێ و كوردستانێ پشكداربن ژ وانا یانەیا سەنحاریب كو نوونەرا ئێكانە یا پارێزگەها دهۆكێ یە.
ل دۆر دووماهی بەرهەڤیێن نوونەرا پارێزگەهێ رەیان داود رەبەن راهێنەرێ تیمێ بۆ رۆژنامەیا ئەڤرۆ گۆت: ئەڤە بوو ماوەیێ نێزیكی مەهەك و15 رۆژە بەرهەڤیێن مە د بەردەوامبن بۆ خولا ئیراقێ ئەوا دێ ب پشكدارییا 10 یانەیان بیت، تیما مە پێكهاتیەكێ نوویە و نڤشەكێ نوویە لێ گەشبینن دێ هژمارەیا ب زەحمەت بین د خولێ دا، هەرچەندە مە پێزانین ل سەر یانەیێن دی نین نلێ مە باوەرییا ب شیانێن یاریزانێن خوە هەیین سەرەرایی جارا ئێكێ یە دێ پشكداربن.
بۆ زانین فیدراسیۆنا باسكێت بۆلا ئیراقێ پلاتفۆرمە بۆ وەرزێ نوو یێ چالاكیان دانایە، ئەوژی قارەمانییا 3*3 ل سەر ئاستێ یانەیان بۆ كوڕان و بۆ كچان، ڤاڤارتنێن قارەمانییا پشكۆژان ژیێن 2010 كو دێ بنە پێنج دەڤەر و هەر دەڤەرەكێ دو یانە سەركەڤنە قۆناغا دووماهیێ، قارەمانییا تازەپێگەهشتییان ل سەر ئاستێ كچان، دیسان قۆناغا ئێكێ یا قارەمانییا كچان بۆ پێشكەفتیان هەولێر دێ ل 15ێ تەباخا بهێت مێڤاندارییا وێ كەت، قۆناغا دویێ دێ دهۆك ل 12 ئەیلۆنا بهێت مێڤانداریێ كەت.
