كچەكا بێ گونە‌هـ ل ئایندەكێ رەش
ئەمیر سەید حامد
بهارەكا كەسك و جوان، رۆژەكا روهن و زەلال، سپێدەهیەكا رۆژ نوی هەلاتی، من چاڤێن خوە بۆ جیهانێ زلكرن، دەنگێ بلبلا گرنژینەك بۆ من پەیداكر، سیمایێ من دگەل گولا گەش بوو، مە هەڤركیا جوانیێ ڤێكرا دكر، من وەسا زانی جیهان ژیانە و كەس بێ ئومێد ژێ دەرناكەڤیت.
لێ درۆژەكا سڕ و سەرمادا، سارە و ئەزا د ڤەلەرزم، من خوە ل پشتا سوپێ تێكبربوو، قرێنا ئەسمانی ئەز زۆر ترساندم، بیرا من هات خەونا شڤێدی ژی جهێ مەترسیێ بوو، دەنگێ زەلامایە و پیرەژنەك هاتە سەرێ من،كەیفا ل دۆر هەمیا زڤری، دێ كراسێ سپی دبەر من كەن، دەیكا من یا د كەتە گری، بابێ من ژی حەزناكەت ئەز دگەل باخڤم.
دادێ! بخاتراتە.
بوو شەڤ ،ژۆرەكا نیڤ تاریە، ئاگرێ ب دلێ من ڤە، ئەی خودا دێ چ رویدەت، چیرێنا دەرگەهی، پیرەمێرەك ب ژۆر كەت، برهێن بژالەبووین، سمبێل د گەڤوزەنە، میەكێ رەش جهێ خوە دناڤ لەشی دا ناكەت، باوەرناكەت پارەی ئەڤ چەندە یا كری، خەزال ب ساخی بهێتە د چەپەرێ نێچیرێ دا، ئەڤەیە لاوێ بابێ من ژێگرتی،تو بێژی دیرۆك چاوا ڤەگێریت؟!
