كچەكا دهۆكێ دەلیڤەیا كاری بۆ (7) هەڤالێن خوە پەیدا کریە
شاكر ئەتروشی:
ئەمیرا خورشید سەلیم، كچەكا خەلكا دهۆكێ یە، بەری سالەكێ جهەكێ تایبەت یێ چێكرنا خوارنان بۆ خوە ڤەكریە و هەتا نوكە دەلیڤەیا كارێ بۆ حەفت هەڤالێن خوە دیتیە و رۆژانە ل دووف داخوازیان كاردكەن و خوارنێن وان بۆ هەولێرێ و پیرمام و زاخۆ و گەلەك جهێن دی هاتینە رەوانەكرن.
ناڤهاتیێ بۆ رۆژنامەیا ئەڤرۆ گۆت: دژیەكێ بچووكدا من حەزژ چێكرنا خوارنان دكر، خێزان ژی دهاریكار بوون، لەورا ل سالا بۆری مە دەستپێكر و جهەك ب ناڤێ (Admeals) ڤەكر و ل ڤێرە ئەم هەموو جۆرێن خوارن و شریناهیان چێدكەین، حەفت كچ و ژن ل دەف من كاردكەن و كەیفخۆشم كو شیایم دەلیڤەیا كاری بۆ وان ژی ڤەكەم، چنكو نوكە هەر ئێك ژوان رۆژانە گۆژمەكێ پارەی وەردگرن و دبەنە مالێن خوە دا هاریكاریا وان بكەن، بۆ زانین گەلەك داخوازی ل سەر خوارنێن كوردی هەنە و هەر ژنوكە ئەز یا بزاڤێ دكەم كو جهەكێ مەزنتر ڤەكەم، ل وی دەمی دێ پتر دەلیڤە هەبیت هژمارەكا كچ و ژنێن دی ل دەف خوە بدەینە كاری و گەلەك سوپاسیا مالا خوە دكەم كو ئەڤ باوەریە داینە من و بووینە پشتەڤان كو ئەز ڤی جهی ڤەكەم و داخوازێ ژ هەموو كچ و ژنان دكەم هەر كەسەكا بەهرەیەك هەبیت بلا بهێت شیانێن خوە دیاربكەت.
