كچەكا دهۆكێ بۆ سەرۆكا فدراسیۆنا مینی فۆتبولا كوردستانێ
شاهۆ فەرید:
فێدراسیونا نێڤدەولەتی یا مێنی فۆتبولێ ب شێوەكێ فەرمی رازیبوو دامەزراندنا فێدراسونا مێنی فۆتبولا كوردستانێ و كچا باژێریێ دهۆكێ خۆشی جەمیل و ئەنداما یانەیا پۆلیتەكنیك هاتە هەلبژارتن بۆ ئەركێ سەرۆكاتیا فێدراسیونێ.
د داخویانیەكا تایبەت دا سەركەفت رەشید جێگرێ سەرۆكا یانەیا پۆلیتەكنیكی بۆ رۆژنامەیا ئەڤرۆ دیاركر: ئەم وەكۆ یانەیا پۆلیتەكنیكی بووینە پێكەهەك بۆ هەموو وەرزشڤانێن پارێزگەها دهۆكێ، ئەڤە بۆ جارا گەلەكێ یە ئەندامێن یانەیا مە بۆ پوستێن وەرزشی دهێنە ژێگرتن، خۆشی ئێك ژ راهێنەرێن خودان شیانە د ناڤا یانەیا مە دا، كچەكا خودان شیانە پشت بەستنێ ب شیانێن وێ دكەین، ب هیڤیا وێ چەندێ پۆستێ خوە یێ نوو بشێت پتر خزمەتا وەرزشا كوردستانێ و پارێزگەها دهۆكێ بكەت، ئەڤە وێ چەندێ ڤە دگەرینیت كۆ كچێن پارێزگەها دهۆكێ شیانێن خوەێن بلند و ئاستێ هەرێ باش شیان بگەهنە ئەڤان پلەیان، خۆشی جەمیل خودان سەروبۆركا هەی باشە د ناڤا وەرزشی ب تایبەت فوتبۆلێ دا.
زێدەتر ناڤهاتی گۆت ژی: ل سەر سیستەمێ ئەكادیمیبونێ و پیشەیا هەرە باش دبیتە ئەندامێ یانەیا مە، دەلیڤە و شیانێن وی بۆ پیشئێخستی دیاردبن، چاڤ د كەڤنە لسەر شیانێن پیشەیا وی راهێنەری دەمێ كاردكەت یانەیا مە، ئەم ژی رێگرنابین بەرامبەر پێنگاڤێن بلندتر بۆ هەر ئەندامەكێ یان ناڤا یانەیێ دا كاردكەت، هەر كەسێ ببینین دێ پێنگاڤا پتر پێشكەڤیت ئەم دبینە پرەك و رێك خوەشكەرەك و پالپشتێ ئارمانجا وی دكەین، ئەوا پێخەمەت بۆ پێشكەفتنا وەرزشا پارێزگەها دهۆكێ.
