كچەكا كورد سترانان ب سێ زمانان دبێژیت
موسا خالد:
سترانبێژ (هیڤی نەعمان) كو ئەڤەچەند سالن ل وەلاتێ ئەلمانیا دژیت، د دیدارەكێ دا بۆ رۆژناما ئەڤرۆ گۆت: ژیێ من بیست و نەهـ سالن و ئەڤە نێزیكی پێنج سالانە سترانان ب سێ زمانان دبێژم (كوردی، ئینگلیزی، ئەلمانی) هەر ل دەستپێكێ هەڤالەكا من و خێزانا من پشتەڤانیا من كرن كو یا بەردەوامبم و دگۆتنە من من دەنگێ تە یێ خۆشە ئەڤە بۆ پالدەرك دێ بۆ من بهێزتر بهێمە دناڤ سترانگوتنێ دا، هونەر بۆ من دونیایەكا جودایە و تشتێ هەرەخۆش ئەوە مرۆڤ د ناڤدا بچیت و خەمێن ڤێ دنیایێ ژبیردكەت و دلێ خوە ڤالا كەت هونەر هەستەكە ناهێتە وەسفكرن دەریایەكا كوورە وڤێ رێكا هونەرێ من شیایە خزمەتا زمانێ كوردی ژی بكەم و وەكو كچەكا كورد ئەز خوە سەربلند دبینم و هەر كەسەكێ هندەك ئارمانجێن جودا هەنە ئەڤە ژی ئارمانجا من یا زارۆكینیێ بۆ بجهـ هات ب دیتنا من هونەرمەندێن باش ل هەرێما كوردستانێ ژی هەنە د ئاستەكێ بلندا دەرباز دبن و چونكی چو تشت زەحمەت نینە بۆ مرۆڤی و هەكە مرۆڤ ل سەر كاربكەت دێ گەهیتە ئارمانجا خوە، هیڤیا من یا مەزن ئەوە ئەز ببمە ستێرەكا گەش ل جیهانێ و نوكە ئەز یا ئامادەكاریان دكەم دا كلیپەكێ چێكەم..
