كچ زووتر ژ ژنان فێری شۆفێڕیێ دبن
شاكر ئەتروشی:
خانمەكا خەلكا دهۆكێ، كو ئەڤە پتری چاردە سالانە وەك راهێنەر ل نڤیسینگەها كوردستان یا فێركرنا شۆفێریێ ل دهۆكێ كاردكەت، هەروەسا ل نڤیسینگەها ڤین كارێ فێركرنا (قیاسات) دكەت، د دیدارەكێ دا بۆ رۆژناما ئەڤرۆ گۆت: وەك پلان من ل بەرە نڤیسینگەهەكا تایبەت بۆ خوە ڤەكەم و بۆ هەموو كارێن من هەڤژینێ من(هێرش حسێن) پشتەڤانێ سەرەكی یە.
پەروین فەخری عەبدال، گۆت: ئەز گەلەكا ب كارێ خوە دلخۆشم، چنكو گەلەك كچ و ژن ل بەر دەستێن من فێری شۆفێریێ بووینە، بۆ زانین كچ زووتر ژ ژنان فێری شۆفێریێ دبن، چنكو مێشكێ وان ڤەكری ترە، بۆ زانین ئەز بەس كچ و ژنان فێری شۆفێریێ دكەت، بەس (قیاسات) هەردو رەگەزان، ئانكو ل دەمژمێر هەشتی سپێدی هەتا ئێكی نیڤرۆ كچ و ژنان فێری شۆفێریێ دكەم و پشتی نیڤرۆ ژی هەتا ئێڤاری د چمە (دۆمیس) قیاساتان و هەر كەسەكا هاتبینە دەف من پشتی دەه رۆژێن فێركرنا شۆفێریێ و رۆژەكا قیاسات پێشكێشی چێكرنا مۆلەتا هاژۆتنێ كریە و 100% مۆلەتێن خوە وەرگرتینە.
