كڕینا كەڤالێن خۆمالی ل دهۆكێ یا كێمە
هەرهین محەمەد:
شێوەكار (شڤان مەجید ) د دیدارەكێ دا بۆ رۆژناما ئەڤرۆ گۆت: ستایلێ من تەجدیدە و ل سەر ئاخێ و هشكەسالیێ یە و جوانیا ئاخێ، بەلێ ب رەنگێن تەجدید من دروستكرینە و هەركەڤالەكی ژی ب رەنگەكی دروست كەم، بەلێ چو جاران من ئەو هزرە نەكریە دەمێ پشكداری پێشانگەهەكا هەڤپشك دبم بهای ب دانمە سەركەڤالێن خوە هەكە بكڕ هەبوون و دسەر هندێ را باوەردكەم كەڤالێن من دێ هێنە فرۆتن، بەلێ كڕینا كەڤالێن خۆمالی ل كوردستانێ بتایبەتی ل دهۆكێ گەلەك یا كێمە، لەورا من هزرا خوە د وێ چەندێ دا نەكریە كەڤالێن من دپێشانگەهان دا بهێنە فرۆتن و هەر كەڤالەكی ژی نێزیكی حەفتیەكێ ل سەر كاردكەم و ئەو ژی قوناغ قوناغن و هەتا نوكە من چ پێشانگەهێن تایبەت نەبووینە، بەلێ من د بیست و ئێك پێشانگەهێن هەڤپشك دا پشكداری كریە و بەری هەیامەكێ ژی پشكداری پێشانگەهەكێ بووم ب شەش كەڤالان و ئەو پێشانگەهە ژ لایێ دەزگەهێ سەتەلایتا كوردستان بۆ شەش شێوەكارێن دهۆكێ هاتبوو ڤەكرن.
