كڕینا پەیكەران گەلەك یا كێمە
هەرهین محەمەد:
پەیكەرساز (حەسەن عەبدولغەفور) د دیدارەكێ دا بۆ رۆژناما ئەڤرۆ گۆت: پرۆژێ من یێ نوو پێك دهێت ژ دەهـ پارچەیێن فیێقی وەكو كوشكانە، نێزیكی دەهـ دوازدە مرۆڤان دشێن تێدا بروینن و نێزیكی شەش هەیڤان بوویە من ل سەر كاركریە و ئەڤ پرۆژە یێ بازرگانیە و بۆ فرتنێ نە و من بزاڤ كرینە ب رێیا تشتەكێ هونەری بەرێ خوە بدەتە ئەڤان كاران و هەكە تەماشەی هونەرێ پەیكەرسازی بكەین كڕینا پەیكەران گەلەك یا كێمە و ب رێیا ئەڤان كاران خەلك بكڕیت و حەزژێ بكەت وهەتا رادەكێ باشە ژی هەتا نوكە خەلك ب رێژەكا باش دهێت پرسیار دكەت و دبینم تشتەكێ باش یێ هاتیەكرن و خەلك یێن دهێت بەرێ خوە دەتێ و ئەڤ چەندە دبیتە ئەگەر هونەرمەند خوە نێزیكی خەلكی بكەن و دیسان ئەم ژی بینە خودان داهاتەك ژی.
ل دووماهیێ گۆت: گەشتیار گەلەك دهێن ل بەر پرۆژەیێن من وێنەیان دگرن و هەكە كەسێن دەولەمەند هەبان ئەڤ پرۆژەیە مفا ژێ وەرگرتبا چ ل خوارنگەه و جهێن گەشتیاری بن و هەكە جهەكێ گەشتیاری هەبا كڕیبان و خوە ل ڤی پرۆژەیێ هونەری كربا خودان دا جهێ دلخۆشیا من بیت.
